[Мат0, І]
При Мат0еи человbк начертан бываєт,
яко о плоти Христа книгу начинаєт.
[Мр. I]
Марку лев знаменіє, яко он начал єст
гласом в пустини, иже, яко лев, кричал єст.
[Лук. І]
Луки благовbстіє жреца начася,
того ради вол жремій при нем написася.
[Іоанн I, 23 (Ісайа 46, II)]
Іоанн орла имат, яко возлbтаєт
к солнцу-Христу и єго божество являєт.
[Лук. І]
Гавріил зачатіє Дbвъ возвbщаєт,
Маріи Христа-Бога Дух Свят устрояєт.
[Лук. II, 8]
Аггел пастирєм стада в свbтлости явися,
сказуя, яко Христос в вертепb родися.
[Лук II, 16]
Христос во Вифлеємb от дbвы рожденный,
от пастирей во яслєх лежащ обрbтенный.
[Лук. II]
В день осмый по закону Христос обрbзася,
то кров єго во-первых за ны пролияся.
[Мат0. II, 11]
Волсви от Вавилона к Христу прійдоша,
миро, злато, кадило в дар принесоша.
[Лук. IV]
В день четиридесятый в церков принесенный,
от Симеона и Анны хвалами почтенный.
[Мат0. II]
Во обятіях матерє Христос-Бог гонзаєт,
во Єгипет Іосиф осла провождаєт.
Млоденци во Вифлеомb вои убивают,
от сосцу родителных сильно оттерзают.
[Лук. II, 46—48]
Дванадесятолbтен Христос вопрашаєт
учители премудро и сам отвbщаєт.
В храмb Божем всb ся єму удивляют,
ту єго родители славна обрbтают.
[Мат0. ІІІ, 16—17]
Тридесят лbт имbя, Христос-Бог крестися,
и на Иордани Тройца святая явися:
Отець во гласb, Сын во плоти, Дух божественный
в видbніи голуба над христом явленный.
[Мат0. IV]
Христа алчна дbмон в пустыни искушаєт,
но пред солнцем истынны тмы князь изчезаєт.
[Іоанн II, 1—8]
Христос чудо первоє в Канb сотворил єст:
в скудости вина воду в вино притворил єст.
[Іоанн III, 1—12]
Князь жидовскій Никодим в нощи посbтил єст
Христа, он же истиннb єго научил єст.
[Іоанн IV]
При студенци, по пути, Христос почиваєт,
самаряныню правдb святb поучаєт.
[Мат0. VIII, 5 — 13]
В Капернаумb сотник к ногам припадаєт
о рабb болном — Христос словом исцbляєт.
[Мат0. V]
Сbд на горb, Христос-Бог слово простираше,
ученики и люди долго поучаше.
То слово Мат0ей в главах трієх заключил єст,
в пятой, в шестой и седмой, — на сей укончил єст.
[Мат0. VII, 3]
Бервно первbє изми из ока твоєго,
таже сучець измеши из ока братнєго.
[Мат0. VIII, 24 — 26]
Спящу Христу корабль люто бbдствоваше,
возбнув, зпрbти морю, вbтру — и престаше.
[Лук. V, 18—26]
Разслабленный к Христу чрез ся кров спущаєт,
за вbру и он принесших того исцbляєт.
[Лук. VII, 12—15]
У врат града Наина мертва воскресил єст
Христос, вдовbй єдинородна матери вратил єст.
[Лук. VII, 46—48]
Фарисей нbкій Христа хлbбом учреждаєт,
блудница нозb слезами очес омываєт,
Трет власы, миром мажет, о грbсєх ся каєт,
Христос, зря любов многу, грихb оставляєт.
[Мат0. XIII, 4 — 8]
Сbяй сbєт, сbмена различна падают,
в терніи гибнут, птици на пути снbдают,
Токмо, яже на землю добрую падоша,
нескудни сbятелю плоды принесоша.
[Мат0. XIV, 6 — 11]
Іоанн Предтеча, пророк божественный,
обличивый Ірода, бысть обезглавленный.
Дщер жены Іродовы, безстыдно скакаше,
просила єго главы, Ірод єй отдаше.
[Іоанн VI, 9—13]
Пять хлbбов и двb рибb отрок продаяше,
тыя чрез апостолы Христос гдысь взяше,
Пять тысящ насытил єст, выше того взяху
укрухов дванадесят кошниць, что остаху.
[Мат0. XIV, 25—30]
Христос по водам ходит, Петр ся погружаєт,
рек: «Спаси мя, Господи!» — тbм спасен бываєт.
[Мат0. XV, 22 — 28]
Жена хананейска псом уподобися,
за то дщер от дbмона Христом свободися.
[Лук. X]
От разбойник язвенна жрець леввит лишаєт,
самарянин вино и єлей возливаєт.
[Лук. X, 38—39]
Мар0а печется Христа брашна учредити,
Марія словом тщится душу насытити.
[Лук. XI, 14]
дbмон во человbка нbмый водворися,
Христос того изгнал єст, бbсный исцbлися.
[Мат0. XVII, 1—3]
Христос-Бог на 0аворb в свbт преобразися,
Мойсей со Ілією єму представися.
[Мат0. XIX, 13—14]
Людіє дbти своя ко Христу приносят,
да молится, й руцb на ня возложить просят.
Ученици претиша з дітми приходити,
Господь возбрани им впред тако творити.
[Мат0. XX, 1—2]
Домовит дbлателей на єм посилаєт,
по пbнязю за дbло на день совbщаєт.
[Іоанн VIII, 3 — 11]
На блудb жену яту Христу представиша,
что сотворити должно, єго вопросиша.
І он писаше на земли; вся вон избbгают,
Христа токмо и жену блудну оставляют.
Господь же наказал ю, с миром отпустил єст,
от законов сужденныи смерти свободил єст.
Человbку богату нива угобзися,
он гумно разорити ветхо намыслися.
И болшеє создати сам ся ублажаєт,
«Идший да ясть и пієт», — своє вbщаєт.
А суд Божій глаголет: «Безумне, что лстиши
сам себе, се в нощ сію вся та оставиши».
[Лук. XV, 11-21]
Блудный сын, вся расточив, ко отцу возвратися —
отець, напад на выю, о нем умилися.
[Лук. XVI, 19—25]
Богатий пиршествуєт, а Лазар желаєт,
да от крупиць трапезы єго ся питаєт.
Язвы єго пси лижуть, богатый забыл єст
Лазара насытити, сам доволно пил єст.
Но по смерти в прохладb нищій Лазар бяше,
богатый каплb воды, во огни сый, моляше.
[Мат0. XXII, 2—13]
Цар сотвори брак, многи на пир зваше,
убывшим рабы, огнем и мечем отмщаше.
Видbв же не во брачну рызу облеченна,
со пиршествующими бити посажденна,
Разгнbвався, повелb оного связати
и во тму кромbшнюю абіє предати.
[Лук. XVII, 12 — 15]
Десять муж прокаженных словом очищаєт,
єгда ко священником оны посылаєт.
[Лук. XVIII, 10—13]
Фарисей на молитвb сам ся оправдаєт,
мытар очес возвести в небо не дерзаєт,
Бієт персы, милости у Господа просить,
ов отвержен, сей паки благодать относить.
[Лук. XVIII, 35—41]
Грядый ко Ієрихону слbпца приглашаєт,
милость просящему словом очи даєт.
[Іоанн XI, 1—45]
Лазар, недугом держим, на одрb лежаше,
Марія же со Мар0ою ко Христу послаше,
Да прійдет; Лазар же во малb преставися,
но Христос въскресил и славно прославися.
[Лук. XIX, 2—6]
Закхей Христа грядуща со древа смотряєт,
Христос, пригласив єго, у него витаєт.
[Мат0. XXI, 7—9]
Во град Ієрусалим на осли-жребяти
идет Господь волную страсть за ны пріяти.
Народы рызи стелют, вbтви подстилают,
«Осанна Давыдову сыну!» — воспbвают.
[Іоанн II, 15]
Куплю дbющим в церкви Господь изгоняєт
и трапезы торжником словом превращаєт.
[Мат0. XXV, 14—15]
Господин рабом своим таланти вручаєт,
куплю тbми дbяти оним завbщаєт.
[Мат0. XXVI, 20—28]
Пасху ветхозаконну Христос совершил єст,
по том хлbб в тbло, вино в кров си претворил, єст.
Іоанн на Господних персєх возлєгаєт,
а Господь о предателb своєм предвbщаєт.
[Лук. XXII, 39—42]
Во вертоградb Христос Отцу си молися,
єгда волнія страсти время приближися.
[Іоанн XVIII, 2—12]
Іуда лобзанієм Господа предал єст,
Петр апостол Малхови ухо урbзал єст.
Нечестивыи вои Христа похищают,
вяжут, біют, торгают, лютb озлобляют.
[Мат0. XXVI]
Христос-Бог Каяфb впервых представися,
праведник неправедным мужем злb судися.
Петр при огнb грbєтся, но злb позябаєт,
єгда ся Христа-Бога за страх отрицаєт.
[Іоанн XIX]
У столпа каменного Христос привязанный,
велbнієм Пилата лютb бичеванный.
[Іоанн XIX]
Вои тернов вbнець Христу возложиша,
уязвенна народу жидовску явиша.
«Се человbк!» — сам Пилат євреом вbщаєт,
а злочестная спира «Распни!» возглашаєт.
[Мат0. XXVII, 24—26]
Пілат нетвердоумный на смерть Христа даєт,
руцb умы, Варавву от уз испущаєт.
[Лук. XXIII, 26—27]
Господь, крест на Голго0у нося, изнеможе,
Сімон же Кіринейскій нести єго поможе.
Жены благочестны Господа плакаху,
в слезах на Голго0у во слbд єго идяху.
[Мат0. XXVII, 38]
На древb крестbм Христа-Бога пригвоздиша,
а с ним два разбойника близу повbсиша.
Хотяще с разбойники онаго вмbнити,
но славы царя, славы нbсть лbт истребити.
[Іоанн XIX, 38—40]
Іосіф с Никодимом в гробb положиша
тbло Господнє, миром доволно мастиша.
Бяше ту мати слезна, и жены стояху,
яже Спаса нашего усердно любяху.
[Мат0. XXVIII]
Єгда мироносицы ко гробу прійдоша
с миром, тbла Христова в нем не обрbтоша,
Ибо воскресе смерти, ада побbдитель,
рода человbческа всеблагій спаситель.
[Лук. XXIV, 13—32]
Ученіком, в Емманус грядущим, явися,
но от них не бb познан, ибо утаися,
Даже в преломленіи хлbба єго познаша
и, шедше, апостолом в Сіонb сказаша.
[Лук. XXIV, 49]
Христос пред ученики идет с Єлеона,
силою носимый в град горня Сиона.
Во Ієрусалимb велbв онbм ждати,
дондеже, исполнятся дару благодати.
Єгда мірови сему конец приближится,
тогда Сын человbческ в славb си явится
И будет вся дbлеса всbх людій судити
и всеправедную мзду комуждо творити,
Праведным имать дати в небb живот вbчный,
грbшники же вовержет въ огнь безконечный.
Тебе, Христе, судію, сbдяща высоко,
на страшном твоєм судb узрить всяко око,
И всяк тамо воспріймет мзду по своим дbлом,
радость ли, печаль вbчну, з душею и тbлом.
Даждь, молю, тогда и мнb, грbшну, тя узрbти,
и не печаль, но радость вbчну получити.
[Бытія. XV]
Ною обнажившуся сын ся Хам ругаєт,
Сим же сын со Афетом нагость покрываєт.
Цар Давид гуслы держить, не всує играєт,
славу Богу и тbмы из уст воздаваєт.
Над Тайною Вечерою стихи
Єгда сbтовен глагол вслух Христос предаде,
сын Заведеов слезен на перси припаде,
Рек: «Кто, Христе, кто, Спасе, имат тя предати,
учеником, Ісусе, изволи сказати».
Се — чист отрок, се — дbвица,
Се — Царъ силам, се — Царица.
Мы вси — раби, Господь с нею,
Яко со всbх госпожею.
Тbм пред ними раби стоймо,
несbдалну пbснь воспоймо.
Архистратиже Христов Михаиле,
возвал-єс Богу миле,
кто Бог велій, яко Бог наш,
показующ на Люципера огненній палаш,
аби єго с небес сперти
и всbм діаволом глави стерти.
Преподобен Роман-пbвець дbву прославляєт,
Кгды Влахеръстей церкви во снb свиток пріймаєт.
Тамо Анъдрей Первозванній на облацєх взираєт,
Когда пречистая панъна сына за мир благаєт.
И святій Роман-пbвец спbваєт согласно,
«Дbвая днес» во церкви викрикає красно.
В
