 |
 |
 |
 |
 |
 |  |  Чин благословения и освящения иконы Троицы. /ЧИН ОСВЯЩЕНИЯ ИКОН/ |
| |||||
|
Iерей обычнω по предуказанному ωбразу наченъ, совершитъ все даже до ψалма
Зде же чтется ψаломъ 66:
Боже ущедри ны, и благослови ны: просвbти лице твое на ны, и помилуй ны. Познати на земли путь твой, во всbхъ языцbхъ спасенiе твое. Да исповbдятся тебb людiе боже, да исповbдятся тебb людiе вси. Да возвеселятся и да возрадуются языцы, якω судиши людемъ правотою, и языки на земли наставиши. Да исповbдятся тебb людiе боже, да исповbдятся тебb людiе вси. Земля даде плодъ свой: благослови ны боже, боже нашъ. Благослови ны боже, и да убоятся егω вси концы земли.
Слава, и нынb: Аллилуiа, трижды.
Дiаконъ: Господу помолимся. Ликъ: Господи помилуй.
Iерей же чтетъ молитву сiю:
Господи боже, въ троицb святbй славимый, егоже ни ум постигнути можетъ, ниже слово сказати возмогаетъ, егоже никтоже
ωт человbкъ нигдbже видb, точiю якоже ωт святыхъ писанiй и богогласныхъ апостолωвъ ученiй научихомся, сице вbруемъ, и сице тебе бога отца безначальнаго, и сына твоего единосущнаго, и духа твоего сопрестольнаго и соестественнаго исповbдуемъ. И якоже писанiе намъ ветхое повbствуетъ ω явленiи твоемъ во ωбразb трiехъ аггелωвъ, оному преславному патрiарху аврааму бывшемъ: въ новbй же благодати отецъ во гласb, сынъ плотiю во iорданb, духъ же святый въ мидb голубинb явися. И паки сынъ, иже плотiю вохнесеся на небо и ωдесную бога сbдитъ, утbшителя духа на апостолы въ видbнiи огненныхъ языкъ посла: и на θавωрb отецъ во гласb, духъ святый во облацb, сынъ же въ пресвbтломъ свbтb ученикωмъ трiемъ показася: сице всегдашнягω ради воспоминанiя, тебе единаго славимаго бога не точiю усты исповbдуемъ, но и ωбразъ пишемъ, не еже боготворити сей, но еже нань тbлесныма очима взирающе, умныма на тебе бога нашего зрbти, и того чтуще, тебе создателя, искупителя и ωсвятителя нашего славити и величати и твоя неисчетная благодеянiя воспоминати: почесть бо ωбраза на первоωбразное преходитъ. Предложше убω iкωну сiю нынb предъ твоимъ величествомъ, благочестнымъ имже предрbхомъ намbренiемъ, просимъ и молимъ, и твоему благоутробiю мили ся дbемъ, призри милостивнω на ню и низпосли небесное твое благословенiе, и во имя твое трисвятое благослови и ωсвяти ю, во еже сiю благочестнω чтущiи, и предъ нею тебb смиреннω кланяющiися, и вbрнω молящiися ωбрящутъ милость, и благодать получатъ, и ωт всbхъ бbдъ с скорбей свободны будутъ, грbхωвъ же прощенiе получатъ, и царствiя небеснагω сподобятся: благодатiю и щедротами, и человbколюбiемъ тебе единагω въ троицb славимагω бога отца, и сына, и святагω духа, емуже слава, нынb и приснω, и во вbки вbкωвъ.
Ликъ: Аминь. Iерей: Миръ всbмъ. Ликъ: И духови твоему.
Дiаконъ: Главы ваша господеви приклоните.
Iерей же чтетъ молитву сiю тайнω:
Господи боже, въ троицb святbй славимый и покланяемый, услыши нынb молитву нашу, и низпосли благословение твое божественное небесное, и благослови, и ωсвяти ωбразъ сей ωкропленiемъ воды сея священныя, въ славу твою и во спасенiе людей твоихъ.
И возглашаетъ: Ты бо еси ωсвященiе наше, и тебb славу возсылаемъ, отцу, и сыну, и святому духу, нынb и приснω, и во вbки вbкωвъ.
Ликъ: Аминь.
Iерей же кропитъ священною водою ωбразъ, глаголя:
ωсвящается ωбразъ сей благодатiю пресвятагω духа, ωкропленiемъ воды сея священныя, во имя отца, и сына, и святагω духа, аминь. Трижды.
Абiе же чтетъ, или поетъ стiхиру сiю, гласъ 8
Прiидите людiе, трiυпостасному божеству поклонимся, сыну во отцb, со святымъ духомъ: отецъ бо безлbтнω роди сына соприсносущна и сопрестольна, и духъ святый бb во отцb съ сыномъ прославляемъ: едина сила, едино существо, едино божество. Емуже покланяющеся вси глаголемъ: святый боже, вся содbявый сыном, содbйствомъ святагω духа: святый крbпкiй, имже отца познахомъ, и духъ святый прiиде въ мiръ: святый безсмертный, утbшительный душе ωт отца исходяй, и въ сынb почиваяй, троице святая, слава тебb.
Вbстно же буди, яко аще iкωна будетъ святыя троицы, сiя стiхира поется. Аще же богоявленiя или преωбраженiя, или сошествiя святагω духа, поется или чтется тропарь и кондакъ праздничный, и ωтпуст праздничный бываетъ.
