 |
 |
 |
 |
 |
 |  |  |  Чин благословения и освящения иконы Богородицы. /ЧИН ОСВЯЩЕНИЯ ИКОН/ |
| |||||
|
Начинаетъ же iерей все по предуказанному на благословенiи ωбраза христова, даже до ψалма иже здb чтется, 44.
ωтрыгну сердце мое слово благо, глаголю азъ дbла моя цареви: языкъ мой трость книжника скорописца. Красенъ добротою паче сынωвъ человbческихъ, излiяся благодать во устнахъ твоихъ: сегω ради благослови тя богъ во вbкъ. Препояши мечь твой по бедрb твоей сильне, красотою твоею, и добротою твоею, и наляцы и успbвай, и цартвуй, истины ради, и кротости, и правды, и наставитъ тя дивнω десница твоя. Стрbлы твоя изωщрены сильне: людiе подъ тобою падутъ въ сердцы врагъ царевыхъ. Престолъ твой боже въ вbкъ вbка: жезлъ правости, жезлъ цасртвiя твоегω. Возлюбилъ еси правду, и возненавидbлъ еси беззаконiе: сегω ради помаза тя боже богъ твой елеемъ радости, паче причастникъ твоихъ. Смирна, и стакти, и кассiа ωт ризъ твоихъ, ωт тяжестей слоновыхъ, изъ нихже возвеселиша тя. Дщери царей въ чести твоей, предста царица ωдесную тебе, въ ризахъ позлащенныхъ ωдbяна, преиспещрена. Слыши дщи, и виждь, и приклони ухо твое, и забуди люди твоя, и домъ отца твоегω. И возжелаетъ царь доброты твоея, зане той есть господь твой, и поклонишися ему. И дщи тvрова съ дары, лицу твоему помолятся богатiи людстiи. Вся слава дщере царевы внутрь, рясны златыми ωдbяиа и преиспещрена. Приведутся царю дbвы въ слbдъ ея, искреннiя ея приведутся тебb: Приведутся въ веселiи и радованiи, введутся въ храмъ царевъ. Вмbстω отецъ твоихъ быша сынове твои: поставнша я князи по всей земли. Помяну имя твое во всякомъ родb и родb сегω ради людiе исповbдятся тебb въ вbкъ, и во вbкъ вbка.
Слава, и нынb: Аллилуiа, трижды.
Дiаконъ: господу помолимся.
Ликъ: господи помилуй.
Iерей же чтетъ молитву сiю:
Господи боже нашъ, иже сопредвbчному и единосущному твоему сыну и слову, ωт пречистыя приснодевы марiи воплотитися изволилъ еси, и сiю богородицу рождествомъ егw пречистымъ изъ нея содbлавъ, предстательницу, помощницу и молитвенницу всbмъ вbрнымъ сотворилъ еси: призри нынb на насъ смиреннω молящихъ ти ся и богородицу сiю истиннω именующихъ, и быти вbрующихъ, и сiю въ мольбу къ тебb вbрнω призывающихъ, и молитвами ея услышаны сотвори прошенiя и мольбы нашя, и низпосли благодать пресвятагω твоегω духа на iкωну сiю, юже раби твои въ честь и память ея соωружиша, и благослови и ωсвяти ю небеснымъ твоимъ благословенiемъ: и подаждь ей силу и крbпость чудотворнагω дbйствiя. Сотвори ю врачебницу и цbльбамъ источникъ, всbмъ въ болbзнехъ къ ней притекающымъ, и богородицы ради ωт тебе помощи просящымъ: и всbхъ иже предъ сею iкωною преблагословенную деву и матерь господа нашегω iисуса христа, возлюбленнагω сына твоегω, достойнω чтити, и якω предстательницу рода христiанскагω въ мольбу къ тебb и въ помощь въ бbдахъ и нуждахъ своихъ призывати будутъ, избаву, заступленiе и скорую помощь получити сподоби: согрbшенiемъ же ωставленiе имъ милостивнω подаждь, и благодать просимую ωт тебе скорω прiяти и милость ωбрbсти ωт твоегω человbколюбiя желанную, царствiя причастники быти сотвори: щедротами изъ нея плотiю рождшагωся единороднагω сына твоегω, воплощеннагω бога и спаса нашегω iисуса христа, съ нимже тебb подобаетъ всякая слава, честь и поклоненiе, и съ пресвятымъ и благимъ, и животворящимъ твоимъ духомъ, нынb и приснω, и во вbки вbкωвъ.
Ликъ: Аминь.
Iерей: Миръ всbмъ.
Ликъ: И духови твоему.
Дiаконъ: Главы вашя господеви приклоните.
Ликъ: Тебb, господи.
Iерей же чтетъ молитву сiю тайнω:
Владыко боже отче вседержителю, изволивый едину ωт всегω рода человbча, чистую голубицу и нескверную агницу, приснодеву марiю въ матерь единородному твоему сыну избрати, и въ жилище ему наитiемъ пресвятагω духа ωсвятити, вышшую же и честнbйшую херувiмωвъ и серафiмωвъ, и всея твари славнbйшую, ходатаицу и молитвенницу человbческому роду сотворилъ ю еси: тоя молитвами и предстательствомъ iкωиу сiю, въ честь и память ея, и въ славу изъ нея рожденнагω единороднагω и единосущнагω твоегω сына, и тебе безначальнагω егω отца, и пресвястагω и животворящагω твоегω духа составленную, благодатiю твоею въ ωкропленiи воды сея священныя, благослови и ωсвяти, и яви ю всbмъ вbрою предъ нею молящымъ ти ся, цbлебницу душевныхъ недугωвъ и тbлесныхъ, и ωт всbхъ вражiихъ навbтωвъ свобожденiе и покровъ державенъ, и мольбамъ благопрiятнымъ у тебе быти сотвори.
И возглашаетъ: Щедротами единороднагω сына твоегω, изъ нея плотiю рожденнагω, господа нашегw iисуса христа, съ нимже благословенъ еси, съ пресвятымъ, и благимъ, и животворящимъ твоимъ духомъ, нынb и приснω, и во вbки вbкωвъ.
Ликъ: Аминь.
Iерей же кропитъ iкωну, глаголя:
ωсвящается iкωна сiя балгодатiю пресвятагω духа, ωкропленiемъ воды сея священныя, во имя отца, и сына, и святагω духа, аминь. Трижды.
И абiе поютъ тропари сiя богородичны, гласъ 1:
Подъ твою милость прибbгаемъ богородице дево, молитвъ нашихъ не презри въ скорбехъ: но ωт бbдъ избави насъ, едина чистая и благословенная.
Богородице дево радуйся, благодатная марiе, господь съ тобою, благословенна ты въ женахъ, и благословенъ плодъ чрева твоегω, якω спаса родила еси душъ нашихъ.
Слава, гласъ 1:
ωт святыя твоея iкωны, пречистая богородице, цbльбы и исцbленiя подаваются независтнω всbмъ, вbрою къ ней притекающымъ, и твое заступленiе ωт сердца призывающымъ. тbмъ и моя немωщн посbти дево, и душевныя и тbлесныя язвы милостивнω уврачуй.
И нынb, гласъ тойже:
Любовiю, чистая дево, твою святую iкωну почитающымъ, и божiю тя истинную матерь согласнω возвbщающымъ, и вbрнω покланяющымъ ти ся, хранительница явися, и державная предстательница, всякое sло ωт сихъ удаляющи, якω вся могущая.
Посемъ: Достойно есть:
И лобзавше ωбразъ, творитъ iерей ωтпустъ обычный.
Вbстно же буди, якω аще iкωна будетъ ωт праздникωвъ богородичныхъ, по ωсвященiи ея абiе тропарь и кондакъ праздничный поемъ, потомъ же сiя преднаписанныя тропари
