ГАЛЕРЕЯ ИКОН ИЛЛЮСТРИРОВАННЫЙ СЛОВАРИК ПО ИКОНОПИСИ БИБЛИОТЕЧКА ПО ИКОНОПИСИ РЕФЕРАТЫ ПО ИКОНОПИСИ ИКОНОПИСЬ В СЕТИ
НАЗАДВЫШЕДАЛЕЕЧин благословения и освящения иконы Христа. /ЧИН ОСВЯЩЕНИЯ ИКОН/

Чинъ благословенiя и ωсвященiя iкωны христовы, праздникωвъ господскихъ, единыя или многихъ.

Поставлену сущу предъ амвωномъ столу, честнω покровену, и на немъ ωбразъ спасовъ, или мнωги ωбразы, еликω ихъ будетъ, iерей въ епiтрахиль и фелωнь ωдbянъ, крестоωбразнω покадивъ ωбразъ, начинаетъ обычнω.

Благословенъ богъ нашъ: Чтецъ: Царю небесный: Трисвятое: и по Отче нашъ: Яко твое есть царство: Господи помилуй, 12. Слава, и нынb: Прiидите, поклонимся: трижды.

И ψаломъ 88

Милости твоя господи во вbк вопою, въ родъ и родъ возвbщу истину твою усты моими. Зане реклъ еси: въ вbкъ милость созиждется на небесbхъ уготовится истина твоя. Завbщахъ завbтъ избраннымъ моимъ, кляхся давиду рабу моему: До вbка уготовлю сbмя твое, и созижду въ родъ и родъ престолъ твой. Исповbдятъ небеса чудеса твоя господи, ибо истину твою въ церкви святыхъ. Якω кто во облацbхъ уравнится господеви; уподобится господеви въ сынbхъ божiихъ; Богъ прославляемъ въ совbтb святыхъ, dелiй и страшенъ есть надъ всbми окрестными егω. Господи боже силъ, кто подобенъ тебb; силенъ еси господи, и истина твоя окрестъ тебе. Ты владычествуеши державою морскою, возмущенiе же волнъ егω укрочаеши. Ты смирилъ еси, якω язвена гордаго, мышцею силы твоея расточилъ еси враги твоя. Твоя суть небеса, и твоя есть земля, вселенную и исполненiе ея ты ωсновалъ еси. Сbверъ и море ты создалъ еси: θавωръ и ермωнъ ω имени твоемъ возрадуется. Твоя мышца съ силою: да укрbпится рука твоя, и вознесется десница твоя. Правда и судьба уготованiе престола твоегω: милость и истина предъидетb предъ лицемъ твоимъ. Блажени людiе вbдующiи воскликновенiе: господи, во свbтb лица твоегω пойдутъ, И ω имени твоемъ возрадуются весь день, и правдою твоею вознесутся. Якω похвала силы ихъ ты еси, и во благоволенiи твоемъ вознесется рогъ нашъ.

Слава, и нынb: Аллилуiа, трижды

Дiаконъ: Господу помолимся.

Ликъ: Господи помилуй.

Iерей же чтетъ молитву сiю

Господи боже вседержителю, боже отецъ нашихъ, хотяй люди твоя, избраннаго iзраиля, ωт прелести iдωлослуженiя избавити, и въ познанiи и служенiи тебb единому истинному богу всегда неωтступнω имbти, еже не творити себb ωбраза и подобiя тебb истинному богу сопротивнагω, во еже якω богу кланятися и служити ему, прещенiемъ запретилъ еси. Паки же подωбiя и ωбразы, имиже не чуждыхъ ложныхъ богωвъ, но тебе единагω истиннагω бога пресвятое и великолbпое имя славится, мωυсеомъ первb въ твоемъ законномъ святилищи, надъ кiвωтомъ свидbнiя херувiма два злата, два же у углωвъ ωчищенiя поставити, на опонахъ же множество херувiмωвъ дbломъ швеинымъ устроити и соωружити повелbлъ еси: и соломωномъ въ олтарb херувiма два ωт древа кυпарiса златомъ ωбъята поставлена быста: кiвωтъ же, въ немже скрижали завbта каменни, стамна злата, и аарωновъ жезлъ бяху, якω тiи съ людьми ту сущiи, и славы твоея величество знаменующiи, и память твоихъ преслааныхъ чудесъ и благодbянiй имbющiи, [аще и дbло рукъ человbческихъ бяху,] со страхомъ и трепетомъ и бляголbпнымъ поклоненiемъ, кажденiемъ же и предъ тbми моленiемъ, чтити сiя повелbлъ еси, и честь оную, якω тебb самому ωтданную, милостивнω прiималъ еси единороднаго сына твоего, господа нашего iисуса христа, раждаемаго ωт жены, приснω же девы марiи, иже зракъ раба прiимъ и въ подобiи человbчесеbмъ бывъ, подобiе своегω пречистагω ωбраза, нерукотвореннω къ своему пресвятому лицу убрусъ приложивъ, изωбрази, и аυгарю едесскому князю посла, и тbмъ ωт недуга того исцbли, и всbмъ вbрою къ тому приходящымъ и кланяющымся, неисчетная нсцbленiя и мнωгая благодbянiя чудодbйствуя подаваше. И мы убо, ω благiй вседержителю владыко, сей ωбразъ [или сiя ωбразы] возлюбленнагω сына твоегω, въ воспоминанiе спасительнагω воплощенiя, и ωт всbхъ преславныхъ егω чудесъ и благодbянiй, яже на земли, якω человbкъ явився, человbческому роду показа, не боготворяще соωружихомъ, но вbдуще, якω почесть ωбраза на первоωбразное восходитъ, предъ твоимъ величествомъ честнω предложихомъ, и припадающе прилbжнω молимъ: призри милостивнω на ны и на ωбразъ сей [или на ωбразы сiя], и воплощенiя и явленiя ради единороднагω сына твоегω, въ егωже воспоминанiе сей [или: сiя] устроихомъ, посли нань [или: ня] твое небесное благословенiе и благодать пресвятагω духа, и благослови и ωсвяти еги [или: я]: подаждъ ему [или: имъ] силу цbлебну, и всbхъ козней дiавольскихъ прогонительну, и исполни его [или: я] благословенiя и крbпости онагω святагω нерукотвореннагω ωбраза, юже ωт прикосновенiя святагω и пречистагω лица возлюбленнагω сына твоегω богатнω стяжа, во еже силамъ и чудесемъ тbмъ [или: тbми] къ утвержденiю православныя вbры и спасенiе вbрныхъ людей твоихъ дbйствоватися, и во еже всbмъ тебb и единородному твоему сыну и пресвятому духу предъ нимъ кланяющымся, и вbрнω призывающымъ, и прилbжнω молящымся услышаннымъ быти, и милость привлещи твоегω человbколюбiя, и благодать получити. Ты бо еси ωсвященiе наше и тебb славу возсылаемъ со единороднымъ твоимъ сыномъ, и пресвятымъ, и благимъ, и животворящимъ твоимъ духомъ, нынb и приснω, и во вbки вbкωвъ.

Ликъ: Аминь.

Iерей: Миръ всbмъ.

Ликъ: И духови твоему.

Дiаконъ: Главы ваша господеви приклоните.

Ликъ: Тебb господи.

Iерей же чтетъ тайнω молитву сiю:

Вонми господи боже мой ωт святагω жилища, и ωт престола славы царствiя твоегω, и милостивнω посли благословенiе твое святое на ωбразъ сей [или: на ωбразы сiя], и въ ωкропленiи воды сея священныя, благослови и ωсвяти его [или: я]: и даждь ему [или: имъ] силу цbлебну, всякiя болbзни и недуга, всякихъ дiавольскихъ козней прогонительну ωт всbхъ вbрнω къ нему [или: къ нимъ] прибbгающихъ, и предъ тbмъ [или: тbми] тебb кланяющихся, молящымъ же ся, и прибbгающымъ: и всегда услышана и благопрiятна тебb да будетъ ихъ мольба.

И возглашаетъ: Благодатiю и щедротами единороднагω сына твоегω, съ нимже благословенъ еси, и съ пресвятымъ и благимъ и животворящимъ твоимъ духомъ, нынb и приснω, и во вbки вbкωвъ.

Ликъ: Аминь.

Iерей же кропитъ священною водою ωбразъ, глаголя:

ωсвящается ωбразъ сей [или: ωбразы сiя] благодатiю пресвятагω духа, ωкропленiемъ священныя воды сея, во имя отца, и сына, и святагω духа. Аминь. Трижды.

Абiе же iерей кадитъ ωбразъ, и покланяется, поя или глаголя тропарь сей, гласъ 2:

Пречистому твоему ωбразу покланяемся благiй, просяще прощенiя прегрbшенiй нашихъ, христе боже: волею бо благоволилъ еси плотiю взыти на крестъ, да избавиши, яже создалъ еси, ωт работы вражiя. Тbмъ благодарственнω вопiемъ ти: радости исполнилъ еси вся спасе нашъ, пришедый спасти мiръ.

Лобзавъ же ωбразъ, глаголетъ:

Слава, и нынb, гласъ 4:

Божественный твой зракъ на iкωнb изωбразующе христе боже, еже ωт девы рождество твое яснω разумbваемъ: чудеса же твоя неизглагωланная, и вольное распятiе воспоминающе, проповbдуемъ. ωтнюдуже бbсове прогоняются страхомъ, sлославнiи же въ печалехъ рыдаютъ, якω симъ сопричастницы.

И абiе творитъ ωтпустъ сей:

Иже неизреченнымъ смотренiемъ прежде своея вольныя страсти, изволивый на убрусb нерукотвореннω изъωбразити пречистагω и богочеловbчнагω своегω лица ωбразъ, христосъ истинный богъ нашъ, молитвами пречистыя своея матере, и всbхъ святыхъ своихъ, помилуетъ и спасетъ насъ, якω благъ и человbколюбецъ.

И полагаетъ ωбразъ честнω на своемъ мbстb, благодаря бога

Из библиотеки Несусвета
Hosted by uCoz