Молитвы утренние
Исусова молитва:
Господи Исусе Христе Сыне Божий помилуй мя грешнаго.
/конец Исусовой молитвы/
Семипоклонный начал (приходные и исходные поклоны):
Боже милостив буди мне грешному.
Создавый мя Господи и помилуй мя.
Без числа согреших Господи помилуй и прости мя грешнаго.
Достойно есть яко воистину блажити Тя Богородице присноблаженую и пренепорочную и Матерь Бога нашего. Честнейшую херувим и славнейшую воистину серафим без истления Бога Слово рождьшую сущую Богородицу Тя величаем.
Слава Отцу и Сыну и Святому Духу.
И ныне и присно и во веки веком аминь.
Господи помилуй Господи помилуй Господи благослови.
Господи Исусе Христе Сыне Божий молитв ради Пречистыя Твоея Матере силою Честнаго и Животворящаго Креста и святаго ангела моего хранителя и всех ради святых помилуй и спаси мя грешнаго яко благ и человеколюбец аминь.
/конец семипоклонного начала/
Молитва мытаря:
Боже милостив буди мне грешному.
Создавый мя Господи и помилуй мя.
Без числа согреших Господи помилуй и прости мя грешнаго.
/конец молитвы мытаря/
За молитв святых отец наших Господи Исусе Христе Сыне Божии помилуй нас аминь.
Молитва Макария:
Боже очисти мя грешнаго яко николиже благо сотворих пред Тобою.
/конец молитвы Макария/
Трисвятое:
Святыи Боже, Святыи Крепкии, Святыи Безсмертныи, помилуй нас.
/конец Трисвятого/
Слава Отцу и Сыну и Святому Духу, и ныне и присно, и во веки веком, аминь.
Пресвятая Троице помилуй нас. Господи очисти грехи наша. Владыко прости беззакония наша. Святыи посети, и исцели немощи наша. имене Твоего ради.
Господи помилуй. {3 раза}
Слава Отцу и Сыну и Святому Духу, и ныне и присно, и во веки веком, аминь.
Молитва Господня (Отче наш...):
Отче наш, иже еси на небесех. Да святится имя Твое. Да приидет царствие Твое. Да будет воля Твоя, яко на небеси и на земли. Хлеб наш насущныи, даждь нам днесь. И остави нам долги наша, якоже и мы оставляем должником нашим. И не введи нас во искушение. Но избави нас от лукаваго.
/конец молитвы Отче наш.../
Господи Исусе Христе, Сыне Божии, помилуй нас. Аминь.
Господи помилуй.{12 раз}
От сна восстав, благодарю тя Всесвятая Троице, яко многия ради благости и долготерпения, не прогневася на мя грешнаго, и лениваго раба твоего, и не погубил еси мене со беззаконии моими, но человеколюбствова. И в нечаянии лежаща воздвиже мя, утреневати и славословити державу Твою непобедимую. И ныне Владыко Боже пресвятыи, просвети очи сердца моего. И отверзи ми устне поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем. Воспевати же и славити пречестное и великолепое имя Твое, Отца и Сына и Святаго Духа, ныне и присно и во веки веком, аминь.
Приидите поклонимся Цареви нашему Богу.
Приидите поклонимся Христу, Цареви и Богу нашему.
Приидите поклонимся и припадем к Самому Господу Исусу Христу, Цареви и Богу нашему.
Псалом 50:
Помилуй мя Боже, по велицей милости Твоей. И по множеству щедрот Твоих очисти беззаконие мое. Наипаче омый мя от беззакония моего и от греха моего очисти мя. Яко беззаконие мое аз знаю и грех мой предо мною есть выну. Тебе единому согреших и лукавое пред Тобою сотворих. Яко да оправдишися в словесех Своих и победиши внегда судити. Себо в беззакониих зачат есмь и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом и очищуся. Омыеши мя и паче снега убелюся. Слуху моему даси радость и веселие: возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне Боже, и дух прав обнови во утробе моей. Не отверзи мене от лица Твоего, и Духа Твоего Святаго не отыми от мене. Воздаждь ми радость спасения Твоего и духом владычным утверди мя. Научу беззаконныя путем Твоим и нечестивии к Тебе обратятся. Избави мя от кровий Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел жертвы, дал бых убо; всесожжения не благоволиши. Жертва Богу - дух сокрушен: сердце сокрушенно и смиренно Бог не уничижит. Ублажи Господи, благоволением Твоим Сиона; и да созиждутся стены Иеросалимския. Тогда благоволиши жертву правде, возношение и всесожигаемая. Тогда возложат на олтарь Твой тельца.
/конец псалма 50/
Символ веры (Верую...):
Первого вселенского собора
И во единаго Господа Исуса Христа Сына Божия, Единороднаго, иже от Отца рожденнаго прежде всех век. Света от Света, Бога истинна от Бога истинна, рождена, а не сотворена, единосущна Отцу, Им же вся быша.
Нас ради человек, и нашего ради спасения сшедшаго с небес и воплотившагося от Духа Свята и Марии Девы вочеловечшася. Распятаго за ны при понтийстем Пилате, страдавша и погребена.
И воскресшаго в третии день по писаниих.
И возшедшаго на небеса, и седяща одесную Отца.
И паки грядушаго со славою судити живым и мертвым, Его же царствию несть конца.
/конец символа первого собора/
Второго вселенского собора
И в Духа Святаго, Господа истиннаго и Животворящаго, иже от Отца исходящаго, иже со Отцем и Сыном спокланяема и сславима, глаголавшаго пророки.
И во едину святую соборную и апостольскую Церковь.
Исповедую едино Крещение во оставление грехов.
Чаю воскресение мертвым.
И жизни будущаго века. Аминь.
/конец символа второго собора/
/конец Символа веры/
Богородице Дево, радуися, обрадованная Марие, Господь с Тобою, благословенна Ты в женах и благословен плод чрева Твоего, яко родила еси Христа Спаса, Избавителя душам нашим.
О Всепетая Мати, рождьшая всех святых святейшее Слово, нынешнее приношение приемши, от всякия напасти избави всех и грядущия изми муки, вопиющия Ти: Аллилуия.
Непобедимая и божественная сила честнаго и животворящаго Креста Господня, не остави мя грешнаго, уповающаго на Тя.
Пресвятая Владычице моя Богородице, помилуй мя и спаси мя, и помози ми ныне, в жизни сей, и во исход души моея, и в будущем веце.
Вся небесныя силы, святии ангели и архангели, херувими и серафими, помилуйте мя и помолитеся о мне грешнем ко Господу Богу, и помозите ми ныне, в жизни сей, и во исход души моея, и в будущем веце.
Ангеле Христов, хранителю мой святыи, помилуй мя и помолися о мне грешнем ко Господу Богу, и помози ми ныне, в жизни сей, и во исход души моея, и в будущем веце.
Святый великий Иоанне, пророче и Предотече Господень, помилуй мя и помолися о мне грешнем ко Господу Богу, и помози ми ныне, в жизни сей, и во исход души моея, и в будущем веце.
Святии славнии апостоли, пророцы и мученицы, святителие, преподобнии и праведнии и вси святии, помилуйте мя и помолитеся о мне грешнем ко Господу Богу и помозите ми ныне, в жизни сей, и во исход души моея, и в будущем веце.
Господи Исусе Христе, Сыне Божии, помилуй мя грешнаго.
Слава Господи, Кресту Твоему Честному.
Пресвятая Госпоже Богородице, спаси мя, грешнаго раба Твоего.
Ангеле Христов, хранителю мой святый, спаси мя, грешнаго раба Твоего.
Святии архангели и ангели, молите Бога о мне грешнем.
Святыи великии Иоанне, пророче и Предотече, Крестителю Господень, моли Бога о мне грешнем.
Святыи славный пророче Илие, моли Бога о мне грешнем.
Святии праотцы, молите Бога о мне грешнем.
Святии пророцы, молите Бога о мне грешнем.
Святии апостоли, молите Бога о мне грешнем.
Святии славнии апостоли и евангелисти: Матфее, Марко, Луко и Иоанне Богослове, молите Бога о мне грешнем.
Святии славнии верховнии апостоли Петре и Павле, молите Бога о мне грешнем.
Святии велиции трие святителие: Василие Великии, Григорие Богослове и Иоанне Златоусте, молите Бога о мне грешнем.
Святителю Христов Николае, моли Бога о мне грешнем.
Преподобнии и богоноснии отцы наши, пастырие и учителие вселенней, молите Бога о мне грешнем.
Святии вси, молите Бога о мне грешнем.
+ молитва тезоименному святому
+ молитва праздника/святого, чья память сегодня
+ молитва любому избранному святому
+ наложенная епитимия
Молитва о здравии родителей:
Милостиве Господи, спаси и помилуй раб Своих имена
Избави их от всякия скорби, гнева и нужды,
от всякия болезни душевныя и телесныя.
Прости им всякое согрешение, вольное и невольное
И душам нашим полезная сотвори.
/конец молитвы о здравии родителей/
Молитва за упокой:
Покой, Господи, душа усопших раб Твоих имена.
/конец молитвы за упокой/
Господи, или словом, или делом, или помышлением согреших во всей жизни моей, помилуй и прости мя, милости Твоея ради.
Все упование мое к Тебе возлагаю, Мати Божия, сохрани мя во Своем си крове.
Упование ми Бог, и прибежище мое Христос, и покровитель ми есть Дух Святыи.
Достойно есть яко воистину блажити Тя Богородице присноблаженую и пренепорочную и Матерь Бога нашего. Честнейшую херувим и славнейшую воистину серафим без истления Бога Слово рождьшую сущую Богородицу Тя величаем.
Слава Отцу и Сыну и Святому Духу.
И ныне и присно и во веки веком, аминь.
Господи помилуй, Господи помилуй, Господи благослови.
Господи Исусе Христе, Сыне Божии, молитв ради Пречистыя Твоея Матере и преподобных и богоносных отец наших и всех святых, помилуй и спаси мя грешнаго, яко Благ и Человеколюбец, аминь.
Ненавидящих и обидящих нас прости, Господи Человеколюбче. Благотоворящим благо сотвори, братиям и всем сродником нашим, иже и уединившимся, даруй им вся, яже ко спасению прошения и живот вечныи.
В болезнех сущия посети и исцели, в темницах сущия свободи, по водам плавающим Правитель буди и иже в путех шествующим исправи и поспеши.
Помяни Господи, и плененныя братию нашу, единоверных православныя веры, и избави их всякаго злаго обстояния.
Помилуй Господи, давших нам милостыню и заповедавших нам, недостойным, молитися о них, прости их и помилуй.
Помяни Господи, прежде отшедшия отцы и братию нашу и всели их, идеже присещает свет лица Твоего.
Помяни Господи, и нашу худость и убожество, и просвети наш ум светом разума святаго Евангелия Твоего, и настави нас на стезю заповедей Твоих, молитвами Пречистыя Твоея Матере и всех святых Твоих, аминь.
Семипоклонный начал:
Боже милостив буди мне грешному.
Создавый мя Господи и помилуй мя.
Без числа согреших Господи помилуй и прости мя грешнаго.
Достойно есть яко воистину блажити Тя Богородице присноблаженую и пренепорочную и Матерь Бога нашего. Честнейшую херувим и славнейшую воистину серафим без истления Бога Слово рождьшую сущую Богородицу Тя величаем.
Слава Отцу и Сыну и Святому Духу.
И ныне и присно и во веки веком аминь.
Господи помилуй Господи помилуй Господи благослови.
Господи Исусе Христе Сыне Божий молитв ради Пречистыя Твоея Матере силою Честнаго и Животворящаго Креста и святаго ангела моего хранителя и всех ради святых помилуй и спаси мя грешнаго яко благ и человеколюбец аминь.
/конец семипоклонного начала/
Господи Исусе Христе, Сыне Божии, благослови, и освяти, и сохрани мя силою Живоноснаго Креста Твоего.{целовать крест}
ндекс:
