ИЗ СТОГЛАВА

СТОГЛАВЪ

СОБОРЪ БЫВШIЙ ВЪ МОСКВb
при
ВЕЛИКОМЪ ГОСУДАРb ЦАРb И ВЕЛИКОМЪ КНЯЗb
ИВАНb ВАСИЛЬЕВИЧb

в лbто 7059

ГЛАВА ДВАДЦАТЬ СЕДЬМАЯ

О святыхъ Иконахъ и о исправленiи книжномъ

Да протопопомъ, и старшимъ священникомъ избраннымъ, со всbми священники, въ коемъждо градb, во всbхъ святыхъ Церквахъ, дозирати святыхъ Иконъ, и священныхъ сосудовъ, и всякаго Церковнаго чину служебнаго, и на престолbхъ святыхъ дозирати, антиминсовъ, и священныхъ книгъ святаго Евангелiя и Апостола, и протчихъ святыхъ книгъ, ихъ же соборная Церковь прiемлетъ. И которыя будутъ святыя Иконы состарbлися, имъ тbхъ велbти иконникомъ починивати, а которыя будутъ мало олихвины, и они бы тb иконы велbли олихвиты, а которыя святыя будутъ книги, Евангелiи и Апостолы и Псалтыри, и прочiя книги въ коейждо Церкви, суть обрящете неправленiи, описливы, и вы тb всb святыя книги съ добрыхъ переводовъ исправили бы соборнb, занеже священная правила о томъ запрещаютъ, и не не повелbваютъ не праведныхъ¹⁾ книгъ въ Церковь вносити, и ничто же по нихъ пbти.

ГЛАВА СОРОКЪ ПЕРВАЯ

О тридесяти и дву царскихъ вопросехъ, и соборныя отвbты по главамъ

ВОПРОСЪ I

О святbй Троицb пишутъ, перекрести ову средняго, а иныя у всbхъ Трехъ, а которыхъ письмахъ и то греческихъ подписываютъ святая Троица, а перекрестiя не пишутъ ни единаго, а нынb подписываютъ у средняго Iсуса Христа святая Троица; и о томъ разсудити отъ Божественныхъ правилъ, како нынb то писати.

И о томъ отвbтъ.
Писати живописцамъ иконы съ древнихъ образцовъ, како греческiя живописцы пишутъ или писали, и какъ писалъ Рублевъ, и протчiя²⁾ живописцы, и подписывати святая Троица, а отъ своего замышленiя ничтоже претворяти.

ВОПРОСЪ VII

На иконахъ пишутъ, прiидите людiе трисоставному Божеству поклонимся, и въ споднемъ ряду пишутъ цари и князи и Святители и народы, которыя живи суще, и о томъ разсудити отъ Святыхъ Отецъ писанiй; такожъ пишутъ и пресвятыя Богородицы образъ въ видbнiи³⁾, иже есть на Тихвинb, и цари, и князи и народы предстоять молящеся, которыя живы суть, и о томъ разсудити, достоитъ ли писати живыхъ и мертвыхъ молящихся.

И о томъ отвbтъ.
У древнихъ Святыхъ Отецъ преданiяхъ, отъ пресловущихъ живописцевъ греческихъ и русскихъ свидbтельствуютъ, и на святыхъ иконахъ воображены и написаны, якоже на Воздвиженiе честнаго и животворящаго Креста Господня, не токмо цари и Святители, и протчiя народи многая множество всякихъ чиновъ. Также и на Покровъ Пресвятыя Богородицы, егда видb Святый Андрей Богородицу молящуся со всbми Богу за весь мiръ; безчисленное множество народа писано также на происхожденiе честнаго и животворящаго Креста, не токмо цари и князи, множество безчисленное народа писана суть на страшномъ Судb, на иконахъ воображаютъ и пишутъ не токмо Святыхъ, но и невbрныхъ многiя различная лица отъ всbхъ языкъ.

ГЛАВА СОРОКЪ ТРЕТЬЯ

Соборной отвbтъ о живописцехъ и о честныхъ иконахъ

Да въ царствующемъ градb Москвb, и по всbмъ градомъ, по Царскому совету - Митрополитомъ, Архiепископомъ: беречи о многоразличныхъ Церковныхъ чинbхъ; пачеже о святыхъ Иконахъ, и о живописцахъ, и о протчихъ Церковныхъ чинехъ по священнымъ правиломъ, какъ подобаетъ живописцемъ быти, тщанiе имbти о начертанiи плотскаго воображенiя Господа Бога и Спаса нашего Iсуса Христа, и Пречистыя Богоматери, и Небесныхъ Силъ безплотныхъ, и всbхъ Святыхъ иже отъ вbка угодившихъ. Подобаетъ быти живописцу смирену и кротку, благоговbйну, непразднословцу, ни смbхотворцу, ни сварливу, независтливу, ни пiяницb, ни бражнику^*, неубiйцb; но паче хранити чистоту душевную и тbлесную, со всякимъ спасенiемъ, немогущиже до конца тако пребывати, по закону женитися и бракомъ сочетатися, и приходити ко отцемъ духовнымъ, и въ воздержанiи со смиреномудрiемъ, кромb всякаго зазора^** и безъчинства, съ великимъ тщанiемъ писати Образъ Господа нашего Iсуса Христа, и Пречистыя Его Богоматере, и святыхъ Пророкъ, и Апостолъ, и Священномученникъ, и святыхъ Мученикъ, и Преподобныхъ женъ, и Святителей и Преподобныхъ женъ, и Святителей и Преподобныхъ Отецъ, въ образъ по подобiю и по существу, смотря на образъ древнихъ живописцовъ, и знаменовати съ добрыхъ образцовъ, и аще которые нынbшнiя мастеры живописцы тако обbщавшеся, учнутъ жити и вся сiя заповbди хранити⁴⁾ и тщанiе о дbлb Божiи имbти, и Царю такихъ живописцевъ, жаловати, и Святителемъ ихъ беречи, и почитати паче простыхъ человbкъ.

Такоже тbмъ живописцемъ прiимати учениковъ, ихъ разсмотряти во всемъ, и учити о всякомъ благочестiи, и приводить ко отцемъ духовнымъ, отцы же ихъ наказуютъ по преданному имъ уставу отъ Святителей, како жити подобаетъ Христiяномъ, кромb всякаго зазора и безчинства, и тако отъ своихъ мастеровъ со вниманiемъ да учатся, и аще которому открыетъ Богъ таковое рукодbлiе, и приводитъ того мастеръ ко Святителю, Святитель же разсмотрbв аще будетъ написанное отъ ученика по образу и по подобiю, и увbсть извbстно о житiи его, еже въ чистотb и во всякомъ благочестiи по заповbдемъ живетъ, кромb всякаго безчинства, абiе⁵⁾ Святитель благословитъ его благочинiе, и впредь того онаго дbла держатися со усердiемъ всяцемъ, и прiемлетъ отъ него благословленiе, и да будетъ ученикъ той чистъ якоже и учитель его, паче⁶⁾ простыхъ человbкъ. По сихъ же Святитель наказуетъ мастера, еже ему не по работb⁷⁾, ни по братb, ни по сынb, ни по ближнихъ, аще кому не даетъ Богъ таковаго рукодbлiя, учнетъ писати худо, или не по правильному запрещенiю⁸⁾ жити, а онъ скажетъ его гораздо, и во всемъ, жити достойна суща, и показуетъ писанiя инаго, а не того, Святитель же обыскавъ, полагаетъ таковаго мастера подъ запрещенiемъ правильнымъ, яко да и протчiи прiимутъ, не дерзаютъ таковую творити. А ученику оному иконнаго дbла отнюдь не касатися, и аще которому ученику открыетъ Богъ ученiе иконнаго письма, и жити учнетъ по преданному⁹⁾ завbщанiю, а мастеръ учнетъ не похваляти¹⁰⁾ его по зависти, дабы не прiялъ чести, якоже онъ прiялъ, Святитель же обыскавъ полагаетъ таковаго мастера подъ запрещенiемъ правильнымъ, ученикъ же прiемлетъ большую¹¹⁾ честь. Аще кто отъ тbхъ живописцевъ учнетъ талантъ скрывати еже ему далъ Богъ, и ученикомъ по существу того не отдаетъ, таковый осужденъ будетъ отъ Бога, съ сокрывшими талантъ, въ муку вbчную, аще кто будетъ отъ самbхъ тbхъ мастеровъ живописцевъ или отъ ихъ учениковъ, учнетъ жити же не по правильному завbщанiю въ пiянствb, и Святителемъ таковыхъ въ запрещенiе полагати, и отъ дbла иконнаго отнюдь отлучити, боящеся словеси реченнаго: проклятъ творяй дbло Божiе съ небреженiемъ. Аще который по се время писали иконы не учася самовластно, сиречь самовластвомъ, и самовольною¹²⁾ и не по образу, и тb иконы промbняли душевно простымъ людемъ поселяномъ невbждам; ино тbмъ запрещенiе положити, чтобъ учились у добрыхъ мастеровъ, и которому Богъ дастъ, учнетъ писати по образу и по подобiю, и тотъ бы писалъ. А которому не дастъ Богъ имъ въ конецъ, отъ таковаго дbла, таковiи Царскою грозою накажутся, и да судятся, и аще они учнутъ глаголати, мы тbмъ живемъ и питаемся,и таковому ихъ реченiю не внимати, понеже не знающе таковая вbщаютъ, и грbха въ томъ себb не ставятъ, не всbмъ человbкомъ иконописцемъ быти, много бо различна рукодbйствiя подарованна быша отъ Бога, ими те препитатися, и живымъ быти, и кромb иконнаго письма. А Божiя образа въ порокъ и въ поношенiя не давати.

Такожъ Архiепископомъ и Епископомъ по всемъ градомъ и весемъ, и по монастыремъ своихъ предbлbхъ испытовати мастеровъ иконныхъ, ихъ писемъ самимъ смотрbти иконныхъ, ихъ писемъ самимъ смотрbти иконныхъ, а избравши кождо ихъ во всемъ предbлb живописцовъ нарочитыхъ мастеровъ, да имъ приказати надо всbми иконописцы смотрbти, чтобы въ нихъ худыхъ и безчинныхъ не было, а сами Архiепископы и Епископы да смотрятъ надъ тbми живописцы, которымъ приказано, и берегутъ таковаго дbла накрbпко, а живописцевъ онbхъ берегутъ паче простыхъ человbкъ, а вельможамъ и простымъ человbкомъ тbхъ живописцевъ во всемъ почитать, и честны имbти за почестное воображенiе. Да и о томъ Святителемъ великое попеченiе и береженiе имbти, комуждо во своей области, чтобы гораздые иконники и ихъ ученики писали съ древнихъ Образцовъ, а самомышленiемъ бы, и своими догадками Божества не описывали. Христосъ бо Богъ нашъ описанъ плотiю, а Божествомъ не описанъ якоже рече Iоаннъ Дамаскинъ; не описуйте Божества, не лжитеслbпiи просто не видимо, и незрительно есть, плотiю же образъ вообразуя, и поклоняемся, и вbруемъ, и славимъ рождьшую Дbву. А ихъ же¹³⁾ отъ хитрыхъ и гораздыхъ мастеровъ¹⁴⁾ живописцы которыя скрываютъ талантъ¹⁵⁾ того ради живописцы, учите учениковъ безъ всякаго коварства, да не осуждени будете, въ муку вbчную.

КОНЕЦЪ И БОГУ СЛАВА

Разночтенiя Казанского изданiя (1911 г.) СТОГЛАВА по отношенiю къ Лондонскому изданiю (1860 г.)

1) неправленыхъ

2) прочии пресловущии

3) въ дbянiи

4) творити

5)-6) абие благословивъ наказуетъ его и впредь благочестно жити и святаго онаго дbла держатися со усердиемъ всяцbмъ, и приемлетъ отъ него ученикъ той честь якоже и учитель его паче /.../

7) не поборати

9) завещанию

9) правильному

10) похуляти

11) вящшую

12) самовольствомъ и самоволкою

13) а иже

14)-15) А иже отъ хитрыхъ и гораздыхъ мастеровъ живописцовъ укрыетъ который талант что ему Богъ далъ и иныхъ не научитъ и не укажетъ, да будетъ отъ Христа осужденъ съ скрывшимъ талантъ в муку вbчную, и того бо ради /.../

* бражникъ - продающiй брагу, напитокъ въ родb пива.

** зазоръ - грbхъ, безславiе, позоръ.