ГАЛЕРЕЯ ИКОН ИЛЛЮСТРИРОВАННЫЙ СЛОВАРИК ПО ИКОНОПИСИ БИБЛИОТЕЧКА ПО ИКОНОПИСИ РЕФЕРАТЫ ПО ИКОНОПИСИ ИКОНОПИСЬ В СЕТИ
ВЫШЕИЗ "ПОМОРСКИХ ОТВЕТОВ"
Андрей ДенисовТитульный лист  "Поморских ответов"

ωтвbты пустынножителей на вопросы ieромонаха неωфита

Выг, 1723

[...]

ωтвbт Е (5):

[о перстосложении]

[...]


КЗ (27)

[...]

Свидbтельства:

Первое. Въ лbто #sучs (6496), егда князь владимiръ взя корсунь градъ греческiй, и с[вя]тое крещенiе в корсунb прiя, и взя изъ корсуня крестъ великiй запрестольный, иже

КН (28)

нынb на москвb въ соборной успенской ц[е]ркви. На ономъ кр[ес]те, на праздницb вознесенiя, у сп[а]са бл[а]гословящая рука, и на праздницbхъ р[о]ж[дес]тва и бл[а]говbщенiя у ангелωвъ благословящiя руки: на немъ же у с[вя]тыхъ ап[осто]лъ петра, варфθломiа, матθеа и марка, сложенныя персты: и на праздницb срbтенiя у с[вя]тыя анны молебная рука: воωбражены рbзнымъ и изваяннымъ художествомъ: у всbхъ сихъ сложены три персты, палецъ съ двbма послbднима, а два перста указательный и великосреднiй, совокуплена на знаменованiе.

Второе. ωттуда же изъ корсуня взя князь владимiръ врата великая мbдная, яже нынb въ великомъ новb градb, именуемая корсунская, всему народу вbдомая на онbхъ грекокорсунскихъ вратbхъ, на многихъ мbстbхъ, у сп[а]са и у с[вя]тителя алеξандра бл[а]гословящiя руки: палецъ съ двbма послbднима совокуплени, указательный и среднiй сложена на бл[а]гословенiе.

Третiе: Паки князь владимiръ прiя изъ корсуня грекописанный образъ с[вя]тыхъ ап[осто]лъ петра и павла, иже н[ы]нb стоитъ въ новb градb въ соборнbй софiйской церкви. На ономъ образb написанъ на верху на срединb сп[а]съ бл[а]гословящую имbя руку, въ моленiи же ко сп[а]су у верховнаго ап[осто]ла петра молебная рука: обb руцb такω бл[а]гословящая сп[а]сова, яко молебная петрова сложенiе имутъ, три персты во едино сложени, и два указательный и среднiй на знаменованiе совокуплена.

[...]

ЛА (31)

[...]

Десятое. Б[о]гогласный лука еυа[нге]листъ, въ с[вя]щеннbмъ еυа[нге]лiи, въ зл рдi (Лук.24:50) гл[агол]етъ: Изведъ же ихъ (ап[осто]лωвъ) вонъ до вифанiи, и воздвигъ руцb свои и бл[а]гослови ихъ, и бысть егда бл[а]гословляще ихъ ωтступи ωт нихъ, и возношашеся на н[е]бо. Но аще здb во еυа[нге]лiи не ωбъясни с[вя]тый лука, какω персты сложивъ сп[а]съ бл[а]гослови: обаче с[вя]щеннымъ образописанiемъ бл[а]гословящую сп[а]сову десницу, такожде по вышепоказаннымъ показуетъ. Написа бо онъ со образомъ пр[есвя]тыя б[огороди]цы, у сп[а]сителя хр[ис]та бл[а]гословящую руку, яже трубы велегласнbйши; на чюдотворнbмъ тихвинскомъ б[огороди]цынb образb, сп[а]сово бл[а]гословенiе по старопечатнымъ книгамъ показуетъ. ω немъ же древлеписанная исторiя повbствуетъ сице: Руку же егω б[о]ж[ес]твенную десную имуща простерту, якω бл[а]гословящу, призывая бл[а]гословенныя, якω область преимbя владычествiя на н[е]б[е]си и на земли. Б[о]жественнiи же его персты, три убω согбени и другъ ко другу совокуплени, по образу нераздbлимыя единосущныя тр[ои]цы, яко сый ωт тр[ои]цы единъ воплощся ωт д[е]вы, не разлучися ωт о[т]ца и д[у]ха:

ЛВ (32)

два же великiя персты, ωбразуютъ б[о]жество его и человbчество, якω б[о]гъ совершенъ во двою существу, сирbчь въ б[о]ж[ес]твb и человbчествb, во единой же υпостаси, якоже и персты во единой длани. Ниже: Сiю же икону б[о]гоматере хр[ис]товъ ап[осто]лъ лука, при клавдiевb кесарствb написа, и посла во александрiю къ державному князю θеофилу, съ сею же б[о]жественное хр[и]стово еυа[ге]лiе своего бл[а]говbстiя и дbянiя с[вя]тыхъ ап[осто]лъ

[...]

ЛГ (33)

[...]

Четвертоенадесять. Въ та времена, въ лbто #sфξи (6568), явися чюдотворнb чюдотворный образъ прес[вя]тыя б[огороди]цы, именуемый елецкiй, въ черниговb на горахъ валдiйскихъ. На ономъ чюдотворнbм образb у сп[а]сителя бл[а]гословящая рука двbма перстома.

[...]

Шестоенадесять. Въ та времена пр[е]п[одо]бный алимпiй печерскiй, иже наученъ бb св[вя]тыя иконы писати ωт посланныхъ ωт с[вя]тыя б[огороди]цы, ωт ц[а]ря града иконописцевъ, написа образъ преподобного антонiя и θеодосiя, въ верху изображенъ сп[а]съ бл[а]гословящую руку имbя двbма перстома. Той образъ въ кiевопечерскомъ монастырb.

ЛД (34)

Седмоенадесять. Въ кiевb въ соборнbй ц[е]ркви софiи, въ верху на хорахъ въ предbлb, образъ чюдотворный с[ите]т[е]ля николы древвнbйший. Предъ кiимъ образомъ, древле во времена князей кiевскихъ, с[вя]т[ите]ль никола младенца утопшаго изъ днепра ωт потопленiя избавивъ положи, ω немъ же повbствуетъ въ житiи николинb печатномъ, чюдо ке (25). На томъ образb, якω сп[а]съ изъ облака, такω с[вя]т[ите]ль никола бл[а]гословляетъ двbма перстома.

д (4) степень: Въ княженiе великаго князя владимiра мономаха, бbста два митрополита родомъ грека никифоръ и никита.

Восьмоенадесять. Въ то время, въ лbто #sхка (6621), явися многочюдесный образъ с[вя]т[ите]ля николы въ новb градb, круглая д[о]ска, иже есть на ярославли дворищи: бл[а]гословящая рука, на томъ образb у с[вя]т[ите]ля николы изωбражена двbма перстома.

Девятоенадесять. Егω же великагω князя, мbсто княжеское, еже есть нынb на москвb, въ соборнbй успенской церкви, на немъ рbзнымъ художествомъ изωбраженъ образъ живоначальныя тр[ои]цы, бл[а]гословящую руку имbя двbма перстома.

е (5) степень: Въ княженiе великагω князя георгiя долгорукагω, митрополита кiевская бbста, климентъ философъ, и константинъ грекъ.

Двадесятое. Въ то время въ лbто #sхξе (6665): явися чюдотворнb, чюдотворный образъ, прес[вя]тыя б[огороди]цы, именуемый б[о]голюбовскiй, бл[а]говbрному князю андрею б[о]голюбовскому: на ономъ образb воωбраженъ сп[а]съ, изъ облака бл[а]гословляя двbма перстома, той образъ въ б[о]голюбовb монастырb.

Двадесять первое. Во оно же время привезенъ

ЛЕ (35)

во владимiръ многочудесный образъ прес[вя]тыя б[огороди]цы, иже именуется владимiрскiй, егоже ωбложи златосiяющемъ ωбложенiемъ, бл[а]говbрный князь андрей б[о]голюбскiй, иже бb лbта #sхξs (6666): на ономъ златосiяющемъ ωбложенiи, начертано рbзнымъ художествомъ, на праздницbхъ хр[ис]товbхъвознесенiя, бл[а]гословенiя, входа во iер[оса]лимъ и лазарева воскресенiя, бл[а]гословящiя у сп[а]сителя руки двbма перстома.

[...]

s (6) степень: Княженiе великагω князя всеволода владимiрскагω.

Двадесять третiе. В та времена # (6700), явися образъ прес[вя]тыя б[огороди]цы мирожскiй, во псковb ωт негω же слезы якω мυро истекоша: на ономъ у сп[а]сителя бл[а]гословящая рука двbма перстома.

з (7) степень: Княженiе великихъ князей георгiя, иже убiенъ ωт батыя, и брата егω ярослава.

Двадесять четвертое. Въ та времена въ лbто #sψлг (6733): принесенъ бысть въ россiю изъ корсуня, повелbнiемъ чюдеснымъ с[вя]т[ите]ля николы образъ егω чюдотворный, именуемый заразскiй, древлегрекописанный, иже бл[а]гословящую с[вя]т[ите]ля руку имbетъ двbма перстома.

[...]

ЛS (36)

[...]

θ (9) степень: Великагω князя данiила алеξандровича, при немъ же бb митрополитъ маξимъ грекъ.

Двадесять пятое. При семъ явися чудотворный образъ прес[вя]тыя б[огороди]цы свинскiй, въ лbта #sψчs (6796): имbя бл[а]гословящую у сп[а]сителя десницу двbма перстома.

Двадесять шестое. При немъ же въ лbто #sωв (6802) явися многочудесный образъ прес[вя]тыя б[огороди]цы θеодотiевскiй, близъ переславля рязанскагω, такову же у сп[а]сителя бл[а]агословящую руку двbма перстома показуетъ.

Двадесять седмое. Въ то же лbто, образъ б[огороди]цы чюдотворный муромскiй чудеснb приплы вверхъ по окb рbцb намантiи, съ василiемъ архiеп[ис]к[о]помъ муромскимъ: на ономъ благословящая сп[а]сова десница, двbма же персты ωблистоваетъ.

Двадесять осмое. Тогда же въ лbто #sωг (6803), явися чюдотворивый образъ б[огороди]цынъ курскiй: бл[а]гословящую сп[а]сову десницу двbма же персты показуетъ.

i (10) степень: Княженiе великагω князя iоанна даниловича на москвb.

Двадесять девятое. Тогда ωблистоваше россiйскую митрополiю и просвbщаше нововодруженный ц[а]р[с]твенный градъ москву великiй во с[вя]тителехъ чюдоривый митрополитъ петръ: иже написа чюдотворивый образъ пресв[вя]тыя б[огороди]цы, прежде архiерейства своего въ кiевb и на немъ у превbчнагω младенца i[су]са хр[ис]та, бл[а]гословящую десницу яснbйши три персты совокуплени, и указательный и среднiй сложена: который чюдотворный образъ въ морскомъ плаванiи геронтiю, хотящему восхитити престолъ русскiя митрополiи,

ЛЗ (37)

чюдотворнb запрети ω семъ и прорече петру с[вя]тому быти митрополитомъ. С[вя]тbйшiй же патрiархъ цареградскiй аθанасiй, рукоположивый петра с[вя]таго митрополитомъ, въ лbто #sωsi (6716), той с[вя]щенный чюдотворный б[о]гоматере образъ даде ему истинному с[вя]т[ите]лю и б[о]жiю ч[е]л[ове]ку петру, сице рекъ: прiими б[о]городичный образъ с[вя]тый, иже ты своима рукама написалъ еси, сего бо ради и воздарiе тебb дарова сама икона ω тебb прорече. ω семъ въ житiи егω с[вя]тымъ кипрiаномъ митрополитомъ писаниbмъ. Сей чюдотворивый ωбразъ на млсквb въ успенскомъ соборb, писанная самовидbнiемъ утверждаетъ: и труба велегласнbйши, тогдашнее тако греческое патрiарха аθанасiя давшаго сей образъ, якω россiйское с[вя]таго петра благочестiе, обще имbвшихъ двbма перстома знаменiе честнаго креста творити, якω ωт хр[ис]та прiемшихъ, тое благословенiе засвидbтельствуетъ.

Тридесятое. Его же с[вя]т[ите]ля и чюдотворца петра написанный образъ софiи премудрости б[о]жiя, иже на москвb во ωлтари успенiя соборныя ц[е]ркве: на немъ такω у сп[а]сителя бл[а]гословящая сице у пр[ед]т[е]чи молебная рука двbма перстома ωблистоваетъ, и с[вя]тоотеческое древлероссiйское бл[а]гочестiе возвbщаетъ. Преемникъ пр[ес]тола и бл[а]гочестiя с[вя]тагω петра, θеогностъ митрополитъ, при немъ же и при архiеп[ис]к[о]пb василiи новгородскомъ явися образъ пр[есввя]тыя б[огороди]цы чюдотворный въ новb градb, именуемый рядитенскiй, иже въ лbто #sωме (6845), въ ц[е]ркви с[вя]тыя тр[ои]цы, сшедъ съ мbста своегω ста на воздусb слезы точа: на ономъ бл[а]гословящая рука у сп[а]сителя, согласнω прочимъ двbма же перстома явствуетъ.

ЛИ (38)

[...]

вi (12) степень: Княженiе великагω князя димитрiя iоанновича донскагω.

Тридесять третiе. При семъ явися многочюдесный образъ прес[вя]тыя б[огороди]цы, рекомый нынb тихвинскiй въ лbто #sωча (6891): не немъ бл[а]гословящая рука сп[а]сова двbма перстома.

Тридесять четвертое. При немъ же, самому ему чюдотворнb явися чюдотворный образъ с[вя]т[ите]ля николы, именуемый угрbшскiй, въ лbто #sωпθ (6889), на ономъ бл[а]гословящая рука двbма перстома.

Тридесять пятое. При немъ же бысть пр[е]п[одо]бный сергiй радонежскiй иже имяше с[вя]тыя образы прес[вя]тыя б[огороди]цы и с[вя]т[ите]ля николы, предъ ними же моленiе совершая, сподобися чюднагω видbнiя, ω чемъ въ житiи егω повbствуется. Тая [вя]т[ите]ля образа въ монастырb радонежскомъ у раки пр[е]п[одо]бнагω, благословящiи руцb, якω у сп[а]сителя хр[ис]та, такω у [вя]т[ите]ля николы, двbма перстома воωбражена имbется.

Тридесять шестое. Во ωно же время бb пр[е]п[одо]бный димитрiй прилуцкiй, иже имbяше образъ с[вя]тый прес[вя]тыя б[огороди]цы, предъ нимъ же моляшеся, иже въ м[о]н[ас]тырb егω въ ц[е]ркви есть. На ономъ образb, въ верху у г[оспо]да саваωθа, такω же у превbчнагω мл[аде]нца

Лθ (39)

i[су]са хр[иис]та, бл[а]гословящеи руцb написанb двbма перстома.

Тридесять седмое. Въ та же лbта #sωчи (6798), къ великимъ россiйскимъ княземъ присланъ бл[а]гословенiемъ ωт синайскiя горы образъ прес[вя]тыя б[огороди]цы неопалимыя купины, писанъ на самомъ камени, идbже моυсей въ купинb б[о]га видb. На затворbхъ тоя иконы, на праздницb вознесенiя бл[а]гословящая у хр[ис]та десница, такω же въ моленiи у пр[е]п[одо]бнагω пахомiя молебная рука воωбраженiемъ греческимъ двbма перстома начертана: показующи явb восточное бл[а]гочестiе, такω креститися, якω бл[а]гословити: сей образъ на москвb въ соборнbй церкви бл[а]говbщенской ωблистоваетъ.

гi (13) степень: Преемникъ отеческагω пр[ес]тола и бл[а]гочестiя, великiй князъ василiй димитрiевичъ тbмъ же православiемъ со всероссiею ωблистоваяй: украшаяй пр[ес]толъ всероссiйскiя митрополiи, бb фотiй родомъ грекъ ωт греческагω патрiарха рукоположенный въ лbто #sцзi (6917).

Тридесять осмое. Въ та лbта #sцка (6921), явися многочюдесный образъ прес[вя]тыя б[огороди]цы, именуемый колоческiй, ωт негω же безчисленныя чудеса содbяшася: и той многочюдесный образъ показуетъ древлероссiйское православiе: у превbчнагω младенца бл[а]гословящую десницу двbма перстома.

[...]

М (40)

[...]

Четыредесять второе. Въ то же время преподобiемъ своимъ с[вя]тый дiонисiй глушицкiй украшаше вологодскую страну, иже своеручнb живописавше с[вя]тыя образы: егω же живописательства образъ вознесенiя хр[ис]това, иже имbется въ прилуцкомъ м[о]н[ас]тырb, да образъ рbзный одигитрiа б[огороди]цы, иже стоитъ въ глушицтbй егω ωбители: на тою образу бл[а]гословящiй сп[а]совb десницb двbма перстома.

дi (14) степень: Наслbдникъ отеческагω скипетродержанiя и благочестiя, великiй князь василiй василiевичъ: престолъ же всероссiйскiя митрополiи украшаяй с[вя]щенный чудотворецъ iона.

Четыредесять третiе. При немъ же бb многославимый чюдесы, образъ прес[вя]тыя б[огороди]цы одигитрiа смоленскiй, и по упрошенiю смоленскагω епископа мисаила, въ то время ωтпущенъ въ смоленескъ. На томъ с[вя]щенномъ и многочюдеснbмъ образb, якω и на пребезчисленныхъ во всей россiи тогω б[о]гоматере образа изображеней бл[а]гословящая у сп[а]са десница, двbма же перстома зрится.

МА (41)

Четыредесять четвертое. На москвb у раки с[вя]тагω с[вя]т[ите]ля iоны, образъ сребродbланный с[вя]т[ите]ля, возраста мbрою с[вя]тагω и подобiя во всемъ чюднb изωбраженный: иже благословящую десницу имbетъ двbма перстома, яснb с[вя]тагω с[вя]т[ите]ля такω бл[а]гословенiе имbвша возвbщаетъ.

еi (15) степень: Великодержавный великiй князь iоанн васильевичь, и митропольтъ всероссiйскiй филиппъ грекъ.

Четыредесять пятое. Въ та лbта #sца (6901) возблиста чюдесы чюдотворный прес[вя]тыя б[огороди]цы образъ, именуемый гребенскiй: на немъ же сп[а]сова бл[а]гословящая десница двbма перстома.

Четыредесять шестое. Въ та же лbта #з (7000), явися чю[до]творный прес[вя]тыя б[огороди]цы образъ, именуемый семиозерскiй, близъ града казани: на немъ же такω у б[огороди]цы, якω у превbчнагω мл[аде]нца бл[а]гословящеи десницы двbма перстома.

Четыредесять седмое. Въ то же #з (7000) лbто принесеся ωт царя града всечудесный б[о]гоматере образъ, именуемый лахернскiй, въ царствующую москву: иже слiянъ ωт многоразличныхъ вещей чюднb, иже стоитъ воуспенскомъ соборb, бл[а]гословящую имbя десницу двbма перстома.

[...]

МД (44)

[...]

Шестидесятое. В то же время, #зма (7041): пр[е]п[одо]бный макарiй унженскiй, с[вя]щенным образωмъ своимъ, чюдотворнb избави градъ соль галическую ωт татаръ: на коемъ чудесномъ образb, преподобнагω десница молебнω изъωбражена, двbма перстома.

зi (17) степень: Прiемникъ прао[те]ческагω и о[те]ческагω всерωссiйскаго скипетродержанiя и бл[а]гочестiя, ц[а]рь и великiй князь iоаннъ васильевичъ.

Шестьдесятъ первое. При семъ явишася чудотворная прес[вя]тыя б[огороди]цы образа: ржевскiй въ лbто #змз (7047).

Шестьдесятъ второе. И коневский въ лbто #зми (7048): на неюже сп[а]сова бл[а]гословящая десница, двbма же перстома воωбражена.

Шестьдесятъ третiе. Въ та же лbта, игуменомъ бb на соловка[хъ] с[вя]тый филиппъ митрополитъ московскiй: по егω велbнiю въ лbто #знг (7053), написанъ образъ прес[вя]тыя б[огороди]цы, къ ней же въ моленiи стоятъ преподобная зосима и саватiй, за нима же множество инокωвъ, знаменующе лица своя двbма перстома: той образъ стоитъ въ ц[е]ркви пр[е]п[одо]бныхъ зосимы и саватiя.

Шестьдесятъ четвертое. Таковъ же образъ стояше въ притворb соборныя ц[е]ркве на соловкахъ. Около же тою образу на поляхъ подъписанω, якω въ лbто #знг (7053), написаны с[вя]тыя сiя иконы, при игуменb филиппb колычевb.

Шестьдесятъ пятое. Но и въ ц[е]ркввахъ егω с[вя]тагω филиппа строенiи у многихъ с[вя]тыхъ иконъ, бл[а]гословящiя и молебныя руки: двbма перстома.

[...]

МS (46)

[...]

Шестьдесятъ седмое. Въ та же времена, въ лbто #зои (7078): явися предивный въ чюдесbхъ, образъ прес[вя]тыя б[огороди]цы, въ новгородстbй области, на выдропускb, имbя бл[а]гословящую у хр[ис]та десницу, двbма перстома.

Шестьдесятъ осмое. Въ та же лbта #зпе (7085), явися чюдотворнb чюдотворный прес[вя]тыя б[огороди]цы образъ казанскiй: бл[а]гословящую у сп[а]сителя имbя десницу двbма перстома.

[...]

МИ (48)

[...]

Семьдесятъ шестое. Въ та же лbта #зрлг (7133), принесенъ чудотворный образъ прес[вя]тыя б[огороди]цы изъ грузинскiя земли въ ярославль, и явлениемъ ея ωтнесенъ на пинегу, в м[о]н[ас]т[ы]рь на черную гору, идbже нынb стоитъ: у хр[ис]та бл[а]гословящую руку имbя двbма перстома.

Семьдесятъ седмое. Съ того же преписанная чюдотворная образа, ωбрbтающаяся на москвb: единъ близъ варварьскихъ вратъ, въ ц[е]ркви прес[вя]тыя тр[ои]цы: другiй на воронцевскомъ поли, въ ц[е]ркви покрова прес[вя]тыя б[огороди]цы: на нею у сп[а]сителя л[а]гословящая рука двbма перстома.

[...]

Мθ (49)

[...]

Осемьдесятъ первое. Въ лbто же #зрна (7151): явися образъ прес[вя]тыя б[огороди]цы, въ новb градb, въ воскресенскомъ монастырb на красномъ поли: бл[а]гословящую имbя у хр[ис]та десницу двbма же перстома.

Осемьдесятъ второе. На москвb въ соборных ц[е]рквахъ, идbже служиша с[вя]тiи велицiи с[вя]т[ите]ли, петръ, алеξiй, кυпрiанъ, фотiй, и iона: на многихъ с[вя]тыхъ образbхъ, (кiи ωт нынbшнихъ иконописцевъ не преписаны) бл[а]гословящiя и молебныя руки имbются двbма же перстома, якоже на чюдномъ предревлеписаннbмъ образb, предъста ц[а]р[и]ца, стоящемъ въ успенскомъ соборb, такω и въ дbйсусb у сп[а]сителя бл[а]гословящая рука: сице и въ моленiи у великаго пр[ед]т[е]чи, и у ап[осто]ла θомы, и у еυа[ге]листа луки, молебныя руки двbма перстома. Тожде засвидbтельствуетъ образъ сп[а]сителевъ, надъ спаскими враты, иже подъписанiе греческими буквами имbетъ.

Осемьдесятъ третiе. Подобнb въ великомъ новb градb, въ соборнb ц[е]ркви софiи, идbже служиша с[вя]тiй б[о]жiй архiереи, никита, iоаннъ, еυфимiй, iона, и серапiонъ: и по прочимъ ц[е]рквамъ на образbхъ с[вя]тыхъ, иже не преписанω древнее начертанiе имbютъ, бл[а]гословящiя и молебныя руки двbма перстома.
Якоже у софiи въ ц[е]ркви на правой странb амвона,

Н (50)

на столпb воωбраженω древнягω писма о[те]чество, въ моленiи с[вя]т[ите]ль iоаннъ имbетъ руку двbма перстома.
Тамо же въ прbделb iоанна архiеп[ис]к[о]па, обра[зъ] iоанна пр[ед]т[е]чи предревнbйшiй, молебную руку имbетъ двbма же перстома.

Осемьдесятъ четвертое. Якоже образъ сп[а]совъ изъ корсуня принесенный, иже есть въ ц[е]ркви θеодора стратилата, бл[а]гословящею рукою таяжде засвидbтельствуетъ.

Осемьдесятъ пятое. На москвb въ соборнbй успенской ц[е]ркви, на образb прес[вя]тыя б[огороди]цы, иже имунуется iер[оса]лимскiй, у с[вя]тыхъ по краемъ, греческимъ изъωбраженiемъ писанныхъ: якω у ап[осто]лωвъ, петра iоанна и марка бл[а]гословящiя, такω у мученикωвъ, димитрiя и меркурiя, молебныя руки, сложенiе перстъ воωбражено двbма перстома.

Осемьдесятъ шестое. Въ соловецкомъ м[о]н[ас]т[ы]рb, въ ц[е]ркви пр[е]п[одо]бныхъ зосимы и саватiа, у ц[а]рьскихъ вратъ, стоитъ образъ сп[а]сителевъ, греческаго иконнагω изъωбраженiя, бл[а]гословящую руку имbя двbма перстома.

Осемьдесятъ седмое. Въ том же м[о]н[ас]т[ы]рb, въ ризницb кр[ес]тъ рbзны древяномасличный, ωбложенный сребромъ, данiе патрiарха филарета московскаго, въ кругъ егω изъваянiемъ воωбражени дванадесять праздники, подъписанiя имbюще греческая: на нихъ же якω на праздницb входа въ iер[оса]лимъ у хр[ис]та, и на праздницb бл[а]говbщенiя у арханг[е]ла, такω и на прочихъ бл[а]гословящiя руки, воωбражены суть двbма перстома.

Осемьдесятъ осмое. Въ м[о]н[ас]т[ы]рb антонiа сiйскагω, образъ живоначальныя тр[ои]цы, самого егω

НА (51)

преподобнаго писма, ω немъ же писано въ житiи егω, бл[а]гословящую руку имbя двbма перстома.

Осемьдесятъ девятое. Образъ прес[вя]тыя б[огородиц]ы, принесенный изъ аθонскiя горы, въ лbто #зрξв (7162), иже нынb стои на валдае въ иверскомъ м[о]н[ас]т[ы]рb, бл[а]гословящую руку у хр[ис]та имbя, двbма перстома.

Девятидесятое. Въ кiевb въ михайловскомъ м[о]н[ас]т[ы]рb, древлеписанный образъ прес[вя]тыя б[огороди]цы, именуемый новодворскiй: на немъ у превbчнаго младенца, бл[а]гословящая рука двbма перстома.

[...]

Девятьдесят третiе. Во всей рωссiи, идbже древнее начертанiе не преписанω с[вя]тыя иконы имbютъ; таежде согласнω являютъ.

ωбъиди вся рωссiйскiя грады и ц[е]ркви: ωбътецы вся с[вя]тыхъ построенныя монастыри и ц[е]ркви: ωсмотри по селωмъ по часовнямъ и по домомъ, древнiя с[вя]тыя иконы: вси древнiи с[вя]тiи образи, иже не преписыванiи, и иже сложенныя руки бл[а]гословящiя или молебныя имbютъ: вси древлец[е]рковное православiе двbма перстома,

НВ (52)

знаменоватися засвидbтельствуютъ: а треми персты нигдbже.

[...]

ωтвbт θ (9):

[...]

РКИ (128)

[...]

[...] въ пращицb во ωтвbтbхъ рз-мъ (107), и р-мъ (100), приводитъ во утвержденiе нововводнаго, чрезъ литеры пятиперстнаго бл[а]гословенiя, ωт образωвъ с[вя]тыхъ и чюдотворныхъ. Якω на образb iер[ос]алимскомъ с[вя]тыя б[огороди]цы, иже на москвb въ соборb, воωбражены персты, указательный прямо стоящь, великосреднiй же наклоненъ малω, и палецъ чрезъ возлb средняго преложенъ, малый же перстъ прямо стоящь. И вси сiи персты знаменуютъ ХС.
И на образb знаменiя прес[вя]тыя б[огороди]цы, иже въ великомъ новb градb: и назади кр[ес]та корсунскаго на сп[а]совb образb, иже на среднbмъ крузb воωбраженъ: бл[а]гословящихъ рукъ воωбраженiе являетъ.
Но сiя приводимыя доводы ωт с[вя]тыхъ образωвъ, творцемъ пращицы, овы въ поновленiи написанiя рукъ, новопечатнымъ показуютъ: овы же натягательствомъ толкованiя приводятся, въ самомъ видb, ни что же подобнω благословенiю нововводному имуще.

РКθ (129)

Якω убω на образb iер[ос]алимскомъ с[вя]тыя б[огороди]цы у хр[ис]та бл[а]гословящая рука: чрезъ Х нынb зрится воωбражена, не прекословимъ: а якω ωт начала такω бяше, не достовbрствуемъ: сихъ ради винъ.
Первое: Понеже образъ той весь поновленъ зрится: и якоже видомъ поновленiя, новымъ живописцемъ, а не древнимъ согласуетъ: такω и рукою, бл[а]гословенiе нынbшнее а не древнее являетъ.
И аще бы прежде бл[а]гословящая рука такω была, якоже нынb является: какω бы при нiконb, во свидbтельство таковый образъ не приведенъ былъ; какω бы при iоасафb, въ жезлb умолчанъ былъ; како бы при iоакимb, во увbтb потаился; Аще бо комненоса незнаемаго руку, и иная не чюдная, приводиша во свидbтельство; какω бы сей образъ, написанiя с[вя]тыхъ ап[осто]лъ, въ таковая сомнительства, не засвидbтельствованъ былъ; А понеже не засвидbтельствованъ; явленно зрится, якω до поновленiя не таковъ бяше: но согласнω прочымъ древлегреческимъ образωмъ бл[а]гословящую руку имяше.
Вторая: С[вя]тый ап[осто]лъ и еυа[нге]листъ лука, написа образъ прес[вя]тыя б[огороди]цы, иже на тихфинb: у хр[ис]та бл[а]гословящую руку не чрезъ Х и С, по мнbнiю новопечатныхъ книгъ воωбразивъ: Но три персты вкупb сложены, и два на бл[а]гословенiе простерта, якоже самый видъ образа показуетъ. И аще бы на iеросалимскомъ образb, чрезъ Х и С персты были: убω и на тихфинскомъ, лука с[вя]тый, такожде бы написалъ.
А понеже лука на тихфинскомъ, двbма персты бл[а]гословящую воωбразируку: убо и на iер[ос]алимскомъ до поновленiя, согласнω тихфинстbй иконb, бл[а]гословящая рука бяше.

РЛ (130)

Третiя: На поляхъ онаго образа, с[вя]тiи написани греческимъ художествомъ: греческая подписанiя имуще, ап[осто]ли петръ iоанн и марко, бл[а]гословящiя руки двbма перстома имуще.
И аще бы исперва на семъ образb, у хр[ис]та бл[а]гословящая рука, якоже нынb зрится была: убω и на поляхъ у с[вя]тыхъ, такожде быша бл[а]гословящыя руки были. А понеже на поляхъ у с[вя]тыхъ, бл[а]гословящiя руки двbма перстома, воωбражены суть: убω до поновленiя и у хр[ис]та бл[а]гословящая рука, подобна симъ бяше: по поновленiи же зрится, чрезъ Х и С воωбраженiе имущая, еже и на прочихъ с[вя]тыхъ образахъ, нынbшнiи иконописци, бл[а]гословящыя и молящыяся руки преправливаютъ по новопечатнымъ книгамъ: еже и въ новопечатнbй пращицb во ωтвbтb рθ-мъ (109), соизволяя таковому преправленiю сложенiе перстовъ, на с[вя]тыхъ иконахъ, гл[агол]етъ: въ таковомъ преписанiи нbсть ни коего погрbшенiя.
И аще убω на прочихъ образbхъ, поновляющiи преправливаютъ сложенiе перстовъ, и новопечатныя книги таковое похваляютъ: убω и ω образb iеросалимстbмъ ωмышленiе имbемъ, обычая ради иконописцевъ дbющагося:
Подобнb рещи есть, и ω образb знаменiя прес[вя]тыя б[огороди]цы, иже въ великомъ новb градb: якω тоежде сомнbнiе, тоежде ωмышленiе имbемъ, еже и ω образb iер[оса]лимстbмъ предъявихомъ.
Понеже безчисленныя суть иконы въ рωссiи, знаменiя прес[вя]тыя б[огороди]цы: на нихъ же бл[а]гословящая рука у хр[ис]та, согласнω старопечатнымъ книгамъ, двbма перстома. И въ самомъ великомъ новb градb, въ соборнbй

РЛА (131)

ц[е]ркви с[вя]тыя софiи, образъ предревнiй бл[а]говbрныхъ здателей ц[е]ркви, кн[я]зя владимира и кн[я]гини анны, написанiе его г[лаго]лютъ за триста лbтъ до нынb: На томъ образb посредb княжескихъ воωбраженiй, свыше написанъ образъ знаменiя прес[вя]тыя б[огороди]цы, бл[а]гословящей руцb у хр[ис]та имbя двbма перстома: якоже древлепечатныя книги повелbваютъ.
И аще убω прочiя многочисленныя иконы знаменiя с[вя]тыя б[огородиц]ы и сей предревнiй, двbма перстома сложенiе имутъ: явственнω sbлω, якω и самый чюдотворный образъ знаменiя, двbма же перстома бяше воωбраженъ.
Тbмъ же и нынb зримое сложенiе, на семъ образb вышеωбъявленныхъ ради винъ, недостовbрнω намъ показуется.
ω сп[а]сове же образb, иже назади корсунскаго кр[ес]та на среднbмъ крузb, воωбражена бл[а]гословящая рука, далече ωтстоитъ нововводнаго пятиперстнаго бл[а]гословенiя, сихъ ради.
Первое: Понеже во ономъ сложенiи, первый перстъ не преложенъ чрезъ четвертаго, но сложенъ съ четвертымъ перстомъ вкупb зрится. Аще же первый перстъ не преложенъ чрезъ четвертагω: убω ниже Х подобiя [новопечатнымъ] имать. Аще же Х подобiя не имать: тbмъ и не уподобляется новопечатныхъ книгъ бл[а]гословенiю.
Второе: Оное воωбраженiе руки, паче соглашается старопечатнымъ книгамъ. Якоже бо въ старопечатныхъ книгахъ, два перста простираются на бл[а]гословенiе: такω и здb у хр[ис]та, два перста простерта есть на бл[а]гословенiе. И якоже въ старопечатныхъ, первый перстъ съ четвертымъ и пятымъ сложены имbются

РЛВ (132)

вкупb: такω и здb первый перстъ съ четвертымъ сложены суть вкупb, аща и малый перстъ ωтстоящь видится: но и здb не несложенiе перстωвъ, но недосложенiе являетъ, по ωбычаю ч[е]л[ове]ческаго знаменованiя: Мнози бо ωт ч[е]л[ове]къ слагающе персты, первое къ пальцу четвертый слагаютъ, таже пятый. Сему ωбычаю и здb послbдуя живописецъ, не досложены персты написавъ.
И якоже знаменующихся на образbхъ иконописци пишутъ, овыхъ точiю персты сложены держащихъ, овыхъ же мало до чела не донесшихъ, овыхъ на самое чело положившихъ персты: или поклоняющихся народы пишуще, овыхъ до самыя земли преклонившихъ главы, овыхъ токмω колbна преклонившихъ, овыхъ нагнувшихся мало токмω не различность поклоненiя, или знаменованiя, сими являюще: но хотяще показати, заводъ или начатiе дbйствъ, и среду и конецъ, или поклоновъ, или знаменованiя. Такω и перстослагающихъ обычаю послbдующе, на образbхъ изωбражаютъ, бл[а]гословящыя и молящыяся руки, начатiе, и недосложенiе, и совершенное совокупленiе пишутъ.
Гряди на лице кр[ес]та корсунскаго, и виждь ап[осто]льскихъ рукъ бл[а]гословящихъ изъωбраженiе. Аще и творецъ пращицы, видbвъ я мимо иде, и ωбзрbвъ претече я: но мы бл[а]гою совbстiю, всеусерднb ωбъявляемъ. У оныхъ ап[осто]лωвъ петра матθеа и варфоломiа, перстωвъ сложенiе, коль свbтло есть; коль изящнω; коль согласнω старопечатнымъ книгамъ; Три бо персты первый и два послbднихъ вкупb сложены, два же указательный и великосреднiй простерта на бл[а]гословенiе: такω и у марка ап[осто]ла, паче же и у самого сп[а]сителя на вознесенiи, бл[а]гословящыя руки двbма перстома.

РЛГ (133)

И аще прiемлете единую руку бл[а]гословящую на ономъ кр[ес]тb, во ωправданiе своего перстослаганiя: прiимите и прочыя многшыя, яскω три персты сложены, и два простерта на бл[а]гословенiе являющыя: и едину многимъ, паче же всей древлеправославнbй ц[е]ркви приглашайте:якоже и соглашается, разсужденiемъ прiемлема. Не бо Х и С, по мнbнiю новыхъ книгъ изъωбражаетъ, его же вида не имать: но недосложенiе обычайное показуетъ, ωт предъидущихъ послbдующая познавати.

Третiе: Еще на ономъ кр[ес]тb, на воскресенiя праздницb, пре[д]т[е]ча воωбраженъ, молящую руку имbя, первый перстъ съ четвертымъ сложенъ вкупb, пятый жене досложенъ стоящь, два же на моленiе простерта: и по всему подобна предъобъявленнbй бл[а]гословящей руцb сп[а]совb.
Аще убω у сп[а]са бл[а]гословящая рука, по натягательству пращицы, Х подобiе имать: убω у у пр[ед]т[е]чи молебная рука Х подобiе носитъ: Но сiе не токмω древнимъ, но и новымъ книгамъ противнω есть.
Аще же у пр[ед]т[е]чи молящаяся рука, не изωбражаетъ Х: убω ниже у сп[а]са бл[а]гословящая рука Х показуетъ: равнω бо обb воωбраженb естb. Или обbма рукама ωтдастся Х изωбраженiе: или ωт обbихъ ωтимется, якоже и есть. И понеже не есть Х подобiя въ сихъ рукахъ: Явственно sbлω, якω двоперстное сложенiе, древлец[е]рковнаго содержанiя, въ не досложенiи перстовъ показуютъ.
Зри совершенное сложенiе молящихся рукъ, туже назади кр[ес]та на праздницb срbтенiя, у анны пр[о]рочицы, три перста палецъ и два послbднихъ вкупb сложены, указательный же и великосреднiй на моленiе простерта.

РЛД (134)

И якоже сп[а]совы бл[а]гословящiя руки, не досовершенное сложенiе, ωт всесовершеносложенныхъ ап[осто]льскихъ рукъ, свbтлω изъявляется: тако пр[ед]т[е]чевы молящiяся руки, не досложенное воωбраженiе, ωт совершенносовокупленныя руки анны пр[о]р[о]чицы, sbлω яснω показуется и единосогласiе древлец[е]рковнаго содержанiя, во ωбоихъ свbтлbтся, якоже креститися двbма перстома, такω и бл[а]гословити двbма перстома подобаетъ: якоже и с[вя]тый θеодоритъ, и прочiи ц[е]рковнiи учители научаютъ.
Такω и на прочихъ древлеписаныхъ ωбразахъ, бл[а]гословящiя руки и молящiяся двbма перстома. Нигдb же ωбрящеши перваго перста, чрезъ четвертаго преложена: Ни гдb же Х подобiя воωбражена: Но всюду на предревнихъ образахъ, бл[а]гословящихъ и молящихся рукъ сложенiе, три персты совокуплены имуще, два же простерта на бл[а]гословенiе, или на моленiе.
Коликω образωвъ есть въ рωссiйскомъ ц[а]рствiи; колико бо градbхъ; коликω въ селbхъ; коликω въ весbхъ; колико въ м[о]н[ас]т[ы]рbхъ; колико въ пустыняхъ; Колико греческихъ, сербскихъ, болгарскихъ, и прочихъ древлец[е]рковныхъ; И на всbхъ сихъ въ моленiи и бл[а]гословенiи, двоперстное сложенiе сiяетъ вездb: триперстнаго же сложенiя, и пятиперстнагω бл[а]гословенiя по новопечатнымъ, видbти нигдb.

[...]

ωтвbт ГI (13):

[...]

РЛθ (139)

[...]

[...] с[вя]тая каθолическая ц[е]рковь, ωт издревле на священныхъ образbхъ: образъ живоначальная тр[ои]цы, въ трехъ лицbхъ ωбразуетъ, а сего не подписуетъ, кое лице о[т]ца, и кое с[ы]на, и кое с[вя]тагω д[у]ха [...]

[...]

ωтвbт Н (50):

[...]

статiя θ (9):

[...]

СЧВ (292)

[...]

[...]с[вя]тiи ап[осто]ли, и с[вя]тiи о[т]ци, и вся древлеправославная, якω греческая такω рωссiйская ц[е]рковь, вещьми извbщающи: на иконномъ изωбраженiи распятiе хр[ис]тово на трехъ древесbхъ изωбражающи, въ четвертыхъ дску надъ главою хр[ис]та написуютъ: якω самая распятiи воωбраженiя показуютъ: на кр[ес]тb, даномъ с[вя]тымъ еυа[нге]листомъ б[о]гословомъ, авраамiю ростовскому: на кр[ес]тb корсунскомъ, иже на москвb: На кр[ес]тb муромскомъ, въ даномъ с[вя]тымъ анг[е]ломъ: На кр[ес]тахъ, иже надъ гробомъ пр[е]п[одо]бнаго антонiя римлянина, чюдеснb изъ рима пришедшихъ: на кр[ес]тb греческомъ, въ даномъ филаретомъ патрiархомъ, въ м[о]н[ас]т[ы]рь соловецкiи: на кр[ес]тb состроенномъ, ωт бл[а]говbрнаго кн[я]зя георгiя долгорукаго: на чюднbмъ кр[ес]тb, иже въ великомъ новb градb: и на каменномъ кр[ес]тb, и на корсунскихъ вратахъ, и на прочихъ кр[ес]тахъ безчисленныхъ, рωссiйскаго и греческаго художества, распятiе хр[ис]тово на трисоставныхъ кр[ес]тахъ воωбражено является. Идbже воωбражено распятiе древнее ωбрbтается, всюду на трисоставнbмъ кр[ес]тb воωбражено зрится.
ωт коихъ вышеωбъявленныхъ свидbтельствъ, якω ωт пр[о]роческихъ, и учителей с[вя]тыхъ словесъ такω и ωт живописанiя с[вя]тыхъ иконъ: общее древлеправославныя ц[е]ркве исповbданiе есть, якω кр[ес]тъ хр[ис]товъ ωт трехъ древъ содbланъ бяше, въ четвертыхъ дщицу пилатову имяше.

[...]

статiя ГI (13)
ω имени i[су]совb

[...]

ТЗ (307)

[...]

Еще же и на iконахъ с[вя]тыхъ и чюдотворныхъ, греческаго и рωссiйскаго живописательства, имя хр[ис]та сп[а]сителя съ единою iотою подъ титлою написано является.
Якω на образbхъ прес[вя]тыя б[огороди]цы, владимирскомъ и тихфинскомъ, лукою еυа[нге]листомъ писаныхъ.
На образb прес[вя]тыя б[огороди]цы писанbмъ петромъ митрополитомъ московскимъ.
На образb прес[вя]тыя б[огороди]цы, казанскомъ.
На образb лахернскомъ, иже принесенъ изъ ц[а]ряграда, въ лbто #3 (7000).

ТИ (308)

На образb корсунскомъ.
На кр[ес]тb корсунскомъ, иже во успенскомъ соборb.
На вратахъ мbднолитыхъ корсунскихъ, яже въ великомъ новb градb.
Въ великомъ новb градb, на каменномъ кр[ес]тb, состроенномъ въ лbто #sωξs (6866).
На кр[ес]тb с[вя]таго ап[осто]ла iоанна б[о]гослова, двннbмъ с[вя]тому авраамiю ростовскому.
На кр[ес]тb ц[а]ря константина.
И на всbхъ сихъ чюдотворныхъ образbхъ, и ч[ес]тныхъ кр[ес]тахъ, имя сп[а]сителя нашего хр[ис]та, въ подписанiи написано, съ единою иотою, хс.

[...]

ТМ (340)

[...]

статiя К (20)
ω с[вя]тыхъ икωнахъ

Измbненiе живописанiя с[вя]тыхъ икωнъ, преданнаго ωт самыхъ с[вя]тыхъ ап[осто]лъ, изωбразующаго подобiе первоωбразнаго: еже не измbннω въ древлерωссiйстbй ц[е]ркви, до лbтъ нiкона патрiарха хранимо бяше, по древнимъ ц[е]ркве ωбычаемъ. Нынbшнiи же живописци, тое с[вя]тое с[вя]щенное преданiе измbнивше: пишутъ иконы, не ωт древнихъ

ТМА (341)

подобiй с[вя]тыхъ чюдотворныхъ образωвъ греческихъ и рωссiйскихъ, но ωт своеразсудительнаго смышленiя, и видъ плоти сп[а]са хр[ис]та. и прочихъ с[вя]тыхъ ωдебелbваютъ: и въ прочихъ начертанiихъ не подобнω древнимъ с[вя]тымъ иконамъ имbюще: но подобнω латинскимъ и прочимъ, [иже въ библiахъ напечатаны, и на полотнахъ малiованы] изωбраженiемъ. Сiя живописательная новоизданiя, намъ сомнbнiя раждаютъ, сихъ ради.

Первое: Понеже с[вя]тiи ап[осто]ли, и с[вя]тiи о[т]ци, изωбражающiи на иконахъ, якω сп[а]са хр[ис]та и преч[ис]тыя б[о]гоматере; такω и с[вя]тыхъ образы: бл[а]гоговbйнω въ умbренной тонкости, умиленнымъ подобiемъ писаху: якω и самiи образи чюдотворнiи древлегречестiи и рωссiйстiи, и самогω еυа[нге]листа луки писма показуютъ: И с[вя]щенныи помbстныи соборъ, ωт макарiа митрополита съ прочими архiереи собранныи, въ стоглавb во главb, мг (43): повелbваетъ иконописцамъ с[вя]тыя иконы писати, по образу и по подобiю смотря на образъ древнихъ живописцевъ: и запрещаетъ, чтобъ ωт самомышленiя своими догадками, сверхъ древняго, ничего не затbвали. И понеже латини, въ живописанiи, древнiй обычай ц[е]ркве измеbнивше: живописуютъ образы, ωт своего умствованiя, а не ωт преданiя о[те]цъ: ωчесомъ ωбличаетъ я с[вя]тый сυмеонъ θессалонитскiй, въ книзb своей: глава кг (23). Якω подобаетъ живописати, и бл[а]гоговbйнω б[о]жественная, и бл[а]гочестиво, и по преданному обычаю. Что же и иное у нихъ, кромb ц[е]рковнаго ωбновися преданiя. Ниже: И с[вя]тыя иконы кромb преданiя, инымъ образомъ многажды живописуютъ. Ниже: И кромb бл[а]гоговbнiя же живописуютъ ихъ и украшаютъ, еже противнω с[вя]тыхъ иконъ есть паче, яко же шестаго

ТМВ (342)

вселенскаго собора, шестое правило предлагаетъ: ибω не живописати речетъ оное [правило] яже простbйшимъ не пользуютъ, и еже кромb чина, не бл[аго]честнω, и о[т]цы сiе не прiемлютъ. До здb с[вя]тыи сυмеонъ.
И не токмω древлец[е]рковнiи учители ω семъ запрещаютъ, но iоакимъ патрiархъ московскiй, въ д[у]ховной своей грамотb запрещаетъ, съ латинскихъ преводовъ иконы писати сице г[лаго]ля: присемъ еще во имени г[оспо]дни завbщаю: еже бы иконы б[о]гоч[е]л[ове]ка i[су]са, и прес[вя]тыя б[огороди]цы, и всbхъ с[вя]тыхъ, заповbдали писати по древнимъ преводамъ съ греческихъ ωбраженiи, какω видимъ и чюдотворныя иконы древнихъ писемъ. А съ латинскихъ и прочихъ соблазненныхъ изωбраженiй, и не подобственныхъ, и нововымышленныхъ, по своимъ похотямъ ц[е]рковному нашему преданiю развратнω ωтнюдъ бы не писати, и которыя гдb есть въ ц[е]рквахъ не правописанныя, тыя вонъ износити.
Ибо прес[вя]тую б[огороди]цу, уже ωбрученную мужу iосифу праведному, и хр[ис]та i[су]са родившую, онiи еретики, пишутъ не покровену главу, и власы украшенну, и многихъ с[вя]тыхъ женъ непокровенными главами, и мужей своестранскими ωбличiями. Въ греческихъ же старыхъ и рωссiйскихъ, таковымъ подобiемъ не ωбрbташеся, и н[ы]нb того не прiемлютъ. Вbруемъ бо, якω прес[вя]тая б[огороди]ца, д[е]ва и по р[о]ж[дес]твb i[су]совомъ, но ц[е]рковь таковыхъ новыхъ видωвъ не прiемлетъ и не ωбычнω: До здb iоакимъ.

Второе: Понеже н[ы]нb живописци; пишутъ на образbхъ бл[а]гословящiя руки у сп[а]са хр[ис]та, и у с[вя]тыхъ бл[а]гословящiя же и молебныя, не согласнω древлегреческимъ и славенскимъ преводомъ;якω у луки еυа[нге]листа на образb тихфинскомъ, якω у петра митрополита

ТМГ (343)

на образb петровскомъ, яко на образb корсунскомъ, верховныхъ ап[осто]лъ, и на кр[ес]тb корсунскомъ; и прочихъ греческихъ и славенскихъ образbхъ и бл[а]гословящiя и молящiяся руки написаны зрятся. Но по новопреданiю нiкона патрiарха, сопротивнω древнимъ с[вя]тыхъ воωбраженiемъ воωбражаютъ: и не токмω на новопишемыхъ образbхъ, сице воωбражаютъ: но и на древнихъ с[вя]тыхъ образbхъ бл[а]гословящiя и молящiяся руки преправливаютъ, и премbняютъ по своему хотbнiю. Яко же и въ пращицb, во ωтвbтbхъ рθ-мъ (109), и рi-мъ (110), ωправдая тое преписыванiе г[лаго]летъ: и въ таковомъ преписанiи нbсть ни коего погрbшенiя.

Третiе: Понеже въ подписанiи иконъ с[вя]тыхъ, имя хр[ис]та сп[а]сителя надписуютъ, не согласно древнимъ: еже на с[вя]тыхъ иконахъ б[о]гоматере, тихфинскомъ, владимирскомъ, и лахернскомъ, и на кр[ес]тb корсунскомъ, и прочихъ безчисленныхъ, подписанiе сице лежитъ i[су]съ хр[ис]тосъ, но пишутъ живописци, по новопечатнымъ книгамъ iи[су]съ хр[ис]тосъ, съ двbма гласными литерома: его же подписанiя, на древнихъ с[вя]тыхъ образbхъ, ни гдb же ωбрbтается. Ельма же нынbшняя живописцевъ новыхъ ωбразованiя, не соглашаются съ древними преводы, с[вя]тыхъ и чюдотворныхъ образωвъ: Якω въ начертанiи бл[а]гоговbннства вида, такω и въ сложенiи благословящихъ и молящихъся рукъ, и въ надписанiи имене i[су]сова: еще же и древнiя с[вя]тыя образы, преправленiемъ лица, и сложенiя перстωвъ въ рукахъ, по новопреданiю преписываются:
А понеже вся сiя ω с[вя]тыхъ иконахъ, чрезъ преданiе древлец[е]рковное, и чрезъ запрещенiя с[вя]тыхъ о[те]цъ дbйствуютъ: насъ ω семъ, ωпасительны сотворяютъ.

ТМД (344)

статiя КА (21)
ω еυа[нге]листbхъ

В древлец[е]рковныхъ книгахъ печатныхъ, с[вя]тiи четыри еυа[нге]листи воωбражахуся, матθей лицемъ ч[е]л[ове]ческимъ, марко лицемъ орлимъ, лука телчимъ, iоаннъ львовымъ: Якω древлепечатная еυа[нге]лiя изданная при патрiарсbхъ, и бл[а]говbстники печатныя, и на с[вя]тыхъ древлец[е]рковныхъ иконахъ, идbже симъ образомъ живописуются: вездb iоаннъ еυа[нге]листъ образωмъ львовымъ, марко же орлимъ, написуются, яко же въ предисловiи еυа[нге]лiя еже ωт марка является. Новопечатныя же книги, сей древлец[е]рковныи обычай измbнивше, воωбражаютъ iоанна лицемъ орлимъ, а марка львовимъ, якоже воωбраженiемъ вида, въ еυа[нге]лiахъ печатныхъ, и на иконахъ, такω и въ книгахъ исповbдающе мудрствуютъ, въ книзb скрижалb на листb уξг (463), и въ предисловiи еυа[нге]лiа. А с[вя]тiи ц[е]рковнiи учителiе, и с[вя]тiи о[т]ци въ своихъ писанiяхъ, не согласно новопечатнымъ книгамъ, согласно же старопечатнымъ ω семъ поучаютъ: якω въ словесbхъ толкованiя ихъ является. Кая ωбъявляюще предлагаемъ. С[вя]тый андрейкесарiйскiй, въ толкованiи апокалυψiи, ω четырехъ животныхъ видbнныхъ б[о]гословомъ, сице разрbшая сказуетъ: льву убω являющу мужество и еυа[нге]лiе по iоанну; Яко же г[лаго]летъ iриней, за знаменателное того предвbчнаго ц[а]рства: въ началb бо быти слово проповbда;
Тельцу же аки своими си довлbющу труды, правду, и по луцb еυа[нге]лiе, якω законнb и с[вя]щеннически хр[ис]та родословившее.Орлу же цbломудрiе: [свидbтельствуется бо сему животному, любити сiе:] и еυа[нге]лiе по марку, якω скращеное и ωт пророческаго д[у]ха начинающее. Ч[е]л[ове]ку

ТМЕ (345)

же, мудрость, и еυа[нге]лiе по матθею, яко естествомъ а не закономъ проповbдавшее хр[ис]тово р[о]ж[дес]тво. И с[вя]тый анастасiи синайскiи, въ книзb своей въ вопросb нз (57), приводитъ с[вя]таго б[о]гословца, разсуждающа четыри животная, и первое подобное льву, сiе являетъ еυа[нге]лiе ωт iоанна: Четвертое же подобно орлу, ciе еυа[нге]лiе ωт марка назнаменаетъ.
Подобнb и въ древлехаратейной кормчей въ толкованiи литургiиизъявляетъ: четыре суть еυа[нге]листи, понеже четыре кафоличестiи дуси. Ниже: iоаннъ бо еυа[нге]листъ левъ и ц[а]рское повbданье, искони бb слово. А лука по образу тельца ωт захарiи поча, понеже мнози начаша чинити повbсть. И матфей же ч[е]л[ове]ческое егω р[о]ж[дес]тво повbдаетъ, книги р[о]ж[дес]тва ч[е]л[ове]коωбразное еυа[нге]лiе се. Марко же ωт пророческаго д[у]ха, въ подобiи орла, нашедшаго ч[е]л[ове]комъ свыше, се нача. Зачало еυа[нге]лiа i[су]съ хр[ис]това, крилатски якω ωрелъ по высокупаря нача. Сице и въ толкованiи лυтургiи и въ друзbй древлехаратейной книзb, преведеной, въ лbто # (6400).
Сице и въ кормчихъ древлеписменныхъ, и въ минbяхъ макарiа митрополита, во августb м[ес]яцb, въ толкованiи с[вя]тыя лυтургiи. А еже писати iоанна лице орле, а марка лице лвово: с[вя]тbйшiй патрiархъ филаретъ соборомъ, и iовъ митрополитъ кiевскiй, соборомъ, во ωбличенiе на книгу кυрила транквилiона, сице г[лаго]лютъ: листъ м (40), пишетъ ω четырехъ еυа[нге]листbхъ, матθея лице ч[е]л[ове]че, марка лице лвово, луку телче, iоанна лице орле. И сим мудрствуетъ по римляномъ; римляне бо пишутъ, iоанна лице орле, а не львово:а марка лице львово, а не орле. ωт коихъ свидbтельствъ познавается, яко старопечатныхъ книгъ и древлерωссiйскiя ц[е]ркве мудрствованiе, ω воωбраженiи еυа[нге]листовъ: согласнω

ТМS (346)

древнимъ с[вя]тымъ учителемъ, и всей кафоличестbй ц[е]ркви.
Новопечатныхъ же книгъ умствованiе, с[вя]тымъ ц[е]рковнымъ учителемъ, не соглашается: Чесо ради и сомнительно есть намъ.

[...]

Из библиотеки Несусвета
ндекс:
Hosted by uCoz