Посланiе къ отцу отъ сына изъ онаго сокровеннаго монастыря, дабы о немъ сокрушенiя не имѣли и въ мертвы не вмѣняли скрывавшагося изъ мiра. Въ лѣто 7209 (1702) iюня въ 20 день
Г. I. X. С. Б. п. н. а. (то-есть: Господи Iсусе Xристе Сыне Божiй, помилуй насъ, аминь). Родителямъ моимъ, батюшкѣ моему, имя рекъ, и матушкѣ моей, имя рекъ. Здрави будите. Пишу вамъ азъ, родители мои, о семъ, что вы хощете меня поминать и псалтирь говорить друга моего совѣтнаго (жену) заставливаете. И вы о семъ престаньте: азъ еще живъ; егда прiидетъ смерть, тогда я вамъ вѣдомость пришлю, нынѣ же сего не творите. Азъ живу въ земномъ царствiи, съ отцы святыми, въ мѣстѣ покойнѣ. Поистинѣ, родители мои, царство земное. И покой, и тишина, и веселье, и радость духовная, а не тѣлесная. Сiи бо святiи отцы, съ ними же азъ живу, процвѣтоша, яко крини сельные, и яко финики, и яко кипарисы, и яко каменiе драгое и многоцѣнный бисеръ, и яко древа не старѣющiяся, и яко звѣзды небесныя. И отъ устъ ихъ непрестанная молитва къ отцу небесному, яко ѳимiамъ благоуханный, и яко кадило избранное, и яко мѵро добровольное. И едва нощь прiидетъ, тогда отъ устъ ихъ молитва видима, яко столпы пламенные со искрами огненными, и яко отъ мѣсяца и звѣздъ велiй не токмо мѣсту оному свѣтъ, но и всей странѣ оной свѣтъ, яко молнiя. Въ то время книги чести или писати можно, безъ свѣщнаго сiянiя. Иже возлюбиша Бога всѣмъ сердцемъ и всею душею и всѣмъ помышленiемъ сво-имъ, тѣмъ и Богъ ихъ возлюби и преклони ухо свое съ высоты святыя своея, и возлюби ихъ, яко мати любимаго си чада, и что просятъ въ молитвѣ своей отъ Бога, все подастъ. Иже возлюбиша безмолвiе и вся добродѣтели исправиша всѣмъ сердцемъ, и Богъ ихъ возлюби, и хранитъ ихъ, яко зѣницу ока, и покры ихъ невидимо дланiю своею, иже достойнѣ и праведнѣ Тому припадающимъ, по словеси Господню, могутъ горы преставити съ мѣста на другое. Но того убо не похотѣша отцы наши, но паче желаютъ житiя на небесѣхъ, ниже богатство временное, но паче возлюбиша богатство на небесѣхъ, егда прiидетъ Господь судити живыхъ и мертвыхъ; и воздастъ имъ за труды ихъ царство небесное и покой, и радость, и веселье. Вы же, родители, чего ради возлюбили сей свѣтъ прелестный и временный, и богатство тлѣнное? Но паче поищити себѣ богатства па небесѣхъ, яже и тля не тлитъ, ни молiе поядаютъ, ни татiе крадутъ. И еще другу моему любимому (женѣ) поклонъ отъ мене отдайте. Аминь.
Приводится по: Полное собранiе сочиненiй П. И. Мельникова (Андрея Печерскаго), т.7,стр. 26-27. Изд. 2-ое СПб, Изданiе Т-ва А. Ф. Марксъ, 1909
ндекс:
