О АДАМЕ

дам же в Раю преж преступления вся имяше в воли своей, вся в воли его ходяху. И егда изгна его Господь из Рая и сbде во Едеме пред дверьми райскими и видb сонъ, како хощет родити Каина и Авеля, и в кое лbто хощет убити Каинъ Авеля. И запрети ему аггелъ не повbдати Евзе. И ту пребысть 70 и 9 лbт и в болъзнь впаде чревную, и не вbдяху, что есть болbзнь его. И собрашася от мала и до велика и вси чюжахуся и глаголаху Евзе: "О мати наша, ты вbси сокровенная его вся, яви нам, что се толико отецъ нашь болит?" И всbх бяше людей над Адамомъ 6000 мужей.

Евга то рече: "От преди возвbщу вам, чада моя. Егда сотвори Богь Рай на Востоце и всю вселенную, и сотвори отца вашего и меня, и предастъ нам Рай и вся скоти, и гади, и вся птица пернатая. Адам же блюдяше восточную страну и сbверную, аз блюдох западную страну и южную. И паки предасть нам Господь заповедь и паки рече: "Вам вся снbсте, иже в Раю, а от единого древа не ясте", и показа нам древа. И взыде на небеса Господь нашь. И мы оба иже обладахове в Раю, и без повелbния Адамова и моего вси звbрие и скоти, и гади и не смbяху ни ходити, ни лячити, ясти что, дондеже повелим имъ.

И тогда прииде к нам Дьявол, свbтелъ, яко аггелъ, и рече намъ: "Что вы рече Богъ ясти или не ясти в Раю?" Адам рече: "Вся намъ повелb ясти, толико единого древа заповbда нам не ясти и повелb намъ блюсти ся от него". Дьяволъ же рече: "Много жалую о васъ, понеже не разумbете, аще бысте от него снbли, и вы бы есте бози были". И той рекb и отиде от нас. И обрете змию и научи ю. Змия же мнящи, яко аггелъ есть, и прииде ко мнb, и показа ми плод, иже от древа. И видbх аз, яко змия есть любима Богу развbе всъх звърей, и взях от нея и снедох. И сердце мое возмутися во мнb напрасно и в мою страну древеса повергоша листвие свое.

Аз же внидох под древо то, от негоже снедох, и возвах Адама и рbх: "Прииди здb, Адам, да видиши великое чюдо". Аз же уста отверзох, и языкъ мой глаголаше во мнb сам, яко да снасть Адамъ. Такоже прият Адам, от негоже древеса снbде. И отверзостася очи наю, и видbхове очету^[1] свою, и сердца наша восхотъ на похоть. И бысть тако. И вся древеса листвия своя повергоша, и едина смокви листвия своего не поверже. Адам же восплакався велми и рече мнъ: "О жено, что мы сотворихом!" Такоже сердце мое не отделися от Адама, и внидохом под древо то, иже не поверже листвия, и съшихом листвие смоковное, и сътворихом одеяние себb.

И тогда слышахом глас съ небесе глаголющь, архаггелъ призываетъ аггелы: "Приидbте вси, глаголеть Господь, да снидета в Рай, понеже согрешилъ есть Адам". И паки снидет Господь со всъми аггелы своими. И ста престолъ посредь Раю, и возва Господь гласом великим: "Адаме, Адаме, гдb еси?" — отвеща гласъ много. Адам же скрыся. И пояша нас аггелы, и свирbпо биюще насъ, и изгнаша нас из Рая. Адам же плакашеся и молящеся глаголя: "Послабите намъ, егда когда умилосердится Господь о нас!" И не помилова насъ Господь. Архаггелъ Михаилъ непрестанно моляшеся о насъ ко престолу. И тако изгнаша нас из Рая и отпустиша нас.

Мы же седохом Едема оттужени. Адам же паде на лицы своем и плакашеся. И сотворихом дней 15, и изнеможе душа моя во мнb гладом, и рbх ко Адаму: "Господи, востани, да поищеве себb храмины, уже бо сердце мое одолb во мнъ гладом и душа моя омале". Адам же воскликнувъ рече: "О Евга, находит на сердце мое разорити икону твою, но не имамъ с кbм быти и боюся Бога. А сердце мое не удаляется от тебе". И воставше и обидохом всю землю, и не обретохом ничтоже снbдно, но токмо волчецъ^[2] и траву селную. И паки приидохове во Едем и плакахомся^[3] со вздыханьем. И рече Адамъ: "Господи, припосли ми воню, да тя поминаю". Тогда посла к нему Господь фимиян, и ливанъ, и ладан. И взятъ Адам и сотвори молбу ко Господу. И тогда умилосердився Господь, и архаггелъ Ивоилъ отлучи 7-ю часть Рая и подасть нам. И преже наядохомся от плода тернова за 17 дний и потом взяхом пшеницу и мед, и масла^[4] и ядохом и насытихомся. И изгна вся скоты и звbрие из Рая и предасть Адаму. Адам же отлучи я и сотвори дивие и питомое, и нарече всbмъ имъ имена, и всbм вещем питающим ся. И рече Господь: "Терние и волчецъ в дbланиих твоих да прозябнет".

И поясть Адам волы и взора землю. И прииде Дьявол и ста пред волы, иже не дадяше Адаму землю орати. "Понеже, — рече Дьявол, — моя есть земля, а Божия небеса и Рай. Да аще хощеши мой быти, то землю тяжи. Аще ли хощеши Божий быти, то иди в Рай". И рече Адам: "Божия суть небеса и земля, и вселенная". Дьявол же не дадяше ему орати и глаголаше: "Запиши ми рукописание свое, да еси мой, и ты землю работай". Адамъ же рече: "Чия есть земля, того и аз и чада моя". Вbдаше бо Адам, яко снити хощет Господь на землю и родитися от девы. Дьявол же обрадовашеся велми и рече: "Запишися мнb". И взят Адам плача и записа рукописание, и рече: "Чия есть земля, того и аз и чада моя". Дьявол же взят рукописание Адамова и держа у себя^[5].

Аз рbхъ ко Адаму: "Господи, покаемся, нежели избавит ны Господь от Дьявола". Адам же рече: "Постимся 40 дней". Азъ рbх: "Ты, господине мой, постися 40 дней, а я да пощуся 40 и 4 дни". И рече ко мнb: "Вниди ты в Тигръ реку и положи камень на главb своей, а другий под ноги своя и стой до выя в водъ, а не слышай никогоже, да не паки прельщена будеши". И сотвори ми знамя сокровенно и рече ми: "Не изыдb, дондеже аз прииду". И воставъ Адам и поиде во Иерданъ каятися, и ту снидошася вси звbрие и птицы, и множество аггелъ и плакахуся Адама. Адам же погрузися весь во Иердани рецъ и пребысть 40 дней.

Дьявол же прииде къ Евзе, аки аггелъ свbтел, слезы роняша по земли, и глагола ми: "Евга, услыша Господь молитву твою и насъ, аггелъ своих, молящих за тебе, посла мене Богъ, да изведеши из реки Адама". Аз же не вbровах, и паки въ 3 день прииде и сотворився во Адамовъ образ и много блазни меня. Аз же не изыдох, дондеже вижу знамя, иже ми рекъ Адам. И егда же соверши Адам 40 дний, грядяше от Иердана и обрете Дьявол слbд приходящъ ко мнъ, и убояся велми, и егда како прелщена буду. И егда видb мя въ водb и возрадовася велми. И егда прииде ко мнb, и аз не вbровах, что есть господинъ мой. И показа ми знамя. Тогда вbровах и изыдох из реки. Тогда свободи насъ Господь от Дьявола.

И седохом в Мадияме и ту родихом Каина и Авиля. И всегда оба скоты пасяху. Во единъ же день воставъ Адам от ложа своего и рече ко мнъ: "О жено, совершишася лъта 14, отряжена есть кровь Авеля убиением Каиновым. Дай же ми осля, шед обрящу его". Яко же слышах аз и распалися сердце мое. И всbд Адам на осля изъде и обрете Авеля убьена, и не изрече ничтоже, якоже рече Адаму аггелъ. И принесе Авеля на мъсто рекома Реон и погребе его ту. И егда аз родих Сифа и рекох ко Адаму: "Господине, не злосерди сердце свое, иже паки родих сына вмbсто Авеля и нарекоша имя ему Сиф".

И тогда Адам кликну на Евгу: "О Евга, умолчи от рbчей своих, уже бо духъ мой омале во мнъ". А Сиф рече: "Господи мой, отче, иду в Рай и принесу что из Рая, видищи и упокоеши себя". Адам же рече: "Сыну, како ты внидеши в Рай? И паки пойди противу Раю плачася, егда како припустит тя Господь от древа маслична взяти, да и увидиши, егда како упокоит ми ся болbзнь сия". Сиф рече: "Отче, что есть болbзнь?" Адам рече: "О сыну, велику имам болbзнь. Егда согреших аз и мати твоя, тогда рече Господь, якоже: "Умножу стенание твое, всегда в печали лребываеши. И дам тебb 72 язи — 1-е язя чревом, 2-я очима, потом последую по единой". А матери вашей рече: "Всегда муж твой обладает тобою, егда же ражаеши, смертью растаешися".

И видbх Сиф поиде к Раю с материю своею, и видb Евга лютого звbря, рекомаго кордила^[6], гоняща сына ея Сифа. И ставb рече к нему: "О звbрю, не помниши ли, како тя сохраних рукама своима? Како смbеши отверсти уста своя на образ Божий, како смbешь зубы своими объяти сына!" И тогда звbрь отвещав Евзе и рече ей: "О Евга, от тебе зачалося ятъ. А ты како смbла отверсти уста своя на снbдь, еже рече Господь тебъ не ясти? Того ради азъ хощу чада твоя поясти", И тогда Евга восплакася и плачь ея слышахом от востока до запада и рече: "О горе мнb, Боже мой, отныне и до вbка кляти мя хощет весь языкъ". Тогда Сиф рече: "Заклинаю тя, звbрю, в ложе своем пребывавши до суда, егда како дерзаеши на надежу человbчю". Тако да пребывает в вbкъ.

Сиф же рече, и иде с материю своею, и плакася противу Раю и посыпа перстию главу свою. И явися им архаггелъ и рече к ним: "Что вопиета?" И речь Сифь: "Господи, отецъ мой болит и желает благая райская, хощет видети от древа масличнаго, егда како упокоится болbзнь его". И тогда рече аггелъ Сифу: "Не имать Адам лечбы, понеже приближишася дни его ко смерти и скончашася дние его". И уломи ему от древа, от негоже изгнанъ бысть Адам из Рая и дастъ Сифу три пруты^[7]. И Сиф принесе, идbже лежаше Адам, отецъ его.

И видb тогда Адам и позна ё, и прият ё, и воздохнувъ велми, и извитъ венецъ и возложи на главу свою, и видb руку Господню, приемлющу душу его. И видb Евга кадилницу с ладаном кадящи тъло Адамова, и три аггелы свеща держаща горяща. И возрbвъ Сиф на небо и видЪ душу Адамову, отца своего, далеча Господа стоящу, и множество аггелъ, молящеся за Адама. Егда въста архаггелъ Михаилъ и тогда вен аггели умолкнуша. И тогда умилосердися Господь, простер руку свою и прият душу Адамову. И посла Господь аггела, да спрятаетъ тbло его. И научи Сифа, и взяша тъло, и несоша на места, рекомое Горусий блятъ. И егда ископаша гробъ, архаггелъ знаменаше гробъ, и бысть глас с небесе глаголя: "Адаме, Адаме!" Он же рече: "Се аз, Господи". И Господь рече: "Се рbх тебb, яко земля и в землю поидеши". И земли рече Господь: "Твоя от твоих к тебb приносяще от всbх". И тако погребоша Адама с венцом, иже бb на главb его. Евга же умилно гласом молящеся глаголяще: "Господи, владыко, приими дух мой". И тако по Адаме в 6 день преклонь главу и предасть духъ свой Богу. И ту погребоша Евгу, сына ея Авеля. И ту возрасте древо из венца из главы Адамовы.

---

Примечания:

[1] очета — ср. сербск. прилаг. очит, — "открытый", "явный".

[2] волчец — название различных сорных, как правило, колючих растений.

[3] В иных списках приводится т. н. "плач Адама": Раю мой раю, пресветлый раю, красота неизреченная, мене ради сотворен есть, Евги ради затворен есть, милостиве, помилуй мя падшего.

[4] В иных списках вместо масла названо млbко.

[5] В иных списках говорится о рукописании Адама: А инде писано во святемъ писаньи. Адам бяше раю, славя Бога со архангелы и ангелы во свъте немерчающим; изгониму же ему бывшю из рая за преступление его, и не вbдаше того Адам, еже нощь и день преж его Богом сотворена бысть, и сbде прямо раю и плакашеся по райском житьи, И приде нощь и бысть тма, и въскрича Адам, глаголя: Горе мне, преступившему Божию заповbдь, изгнану из свbтлаго райскаго житьа, пресвbтлаго мерчающаго свbта". "О свbт мой пресвbтлый, — плачася и рыдая глаголаше, — уже не узрю сияниа твоего и немерчющаго свbта, ни красоты райскиа вижю. Господи, помилуй мя падшегося". Прииде же к нему диавол и глагола ему: "Что ся стонеши и рыдаеши?" Адам же рече: "Свbта ради пресвbтлаго, сокрывшагося мене ради". Диавол рече ему: "Азъ ти дамъ свbтъ, запишися ми рукописанием и родъ свой и чяд". Адамъ же свbта ради дасть ему рукописание, и написа тако: "Чий есть свbт, того и азъ и чяда мои". И прииде день и свbт восия по всей вселенней. Дьявол же вземъ рукописание Адамле, сокры и въ Иордан под каменем, где Христос крестился.

[6] кордил в иных списках называется коркодил, крокодил или горгоний

[7] В иных списках называются ветви певги (сосны), кедра и кипариса. ндекс: